Россия мәгариф министрлыгының оператив штабы 2020/21 уку елында кайнар туклану оештыруга анализ ясады
Россия мәгариф министрлыгының кайнар линиясенә һәм “Дәүләт хезмәте” порталына кергән башлангыч сыйныф укучылары өчен бушлай кайнар туклану оештыру буенча мөрәҗәгатьләр саны уку елы дәвамында шактый кимегән. Бу хакта төбәкләр белән атналык киңәшмәдә Россия Федерациясе мәгариф министры урынбасары Андрей Николаев белдерде.
Ул шалтыратуларның һәм хәбәрләрнең беренче айларда күп булуын билгеләп үтте: ата-аналарны ташламалы туклану, дистанцион уку чорында компенсация мәсьәләләре кызыксындырды, мөрәҗәгатьләрнең бер өлеше продукциянең сыйфатына кагылды.
"Хәзер ата-аналарның 50%тан артыгы аларның кайнар туклану оешмасы тарафыннан канәгать булуын әйтә, ә тискәре бәяләмәләр саны кими", - дип шәрехләде Андрей Николаев. Министр урынбасары ассызыклаганча, мәсьәләләрнең күп өлеше төбәк дәрәҗәсендә оператив рәвештә хәл ителә, шул ук вакытта Россия мәгариф министрлыгы да вәзгыятьне контрольдә тота.
«Без барыбыз да бу эш өчен җаваплы булырга, гражданнарның мөрәҗәгатьләрен вакытында карарга, барлык барлыкка килгән проблемалар буенча аңлатмалар бирергә тиеш», - дип белдерде ул.
Киңәшмәгә йомгак ясап, Андрей Николаев мәктәпләр һәм төбәкләр эшчәнлеген мониторинглауның мөһимлегенә игътибар итте һәм җәй дәвамында урыннарда эшне анализларга һәм башлангыч сыйныф укучылары өчен бушлай кайнар туклану оештыру эшенә тиешле төзәтмәләр кертергә өндәде.
Белешмә өчен
2020 елның 15 гыйнварындагы Федераль Җыенга Юлламасында Россия Федерациясе Президенты куйган бурыч нигезендә, башлангыч сыйныф укучыларының барысы да (1-4 нче сыйныфлар) бушлай кайнар туклану белән көненә бер тапкырдан да ким булмаган күләмдә тәэмин ителергә тиеш.
Россия Федерациясе мәгариф министрлыгы тарафыннан агымдагы уку елыннан барлык кече сыйныф укучыларын түләүсез кайнар туклану белән тәэмин итүне ныгытучы нормалар илнең барлык төбәкләренә таралсын өчен тиешле эш башкарылды. Хәзерге вакытта Россия мәктәпләренең башлангыч сыйныф укучыларының 100 проценты бушлай кайнар туклану ала.