Җәйге лагерьларда 13 мең Казан баласы ял итәчәк
13 мең Казан баласы быел җәйге лагерьларда ял итәчәк. Балаларны 21 лагерь кабул итәчәк – аларның 12се – муниципаль һәм 9ы ведомстволарга карый.
Авыр тормыш хәлендә калган 1 065 бала өчен ял итү бушлай булачак. Муниципаль лагерьларда 18 көнлек сменада ата-аналар түләве 5тән 12,5 мең сумга кадәр тәшкил итәчәк. Бу хакта Казан мэриясенең матбугат хезмәте хәбәр итә.
Сәламәтләндерү учреждениеләренең тулылыгы 75% тәшкил итәчәк – алар агымдагы санитария таләпләрен исәпкә алып ябык режимда эшләячәк. Һәр лагерь сменасы башланыр алдыннан персонал COVID-19га тест үтәчәк. Лагерьларда биш тапкыр ашау каралган – азык аллергиясе белән авырган яки ит кулланмаган балаларда ризыкны алыштыру мөмкинлеге булачак. "Восток" һәм "Юнитур" лагерьларында беренче тапкыр балаларга туклануны "швед өстәле" системасы буенча тәкъдим итә алачак.
Бөтен смена дәвамында балалар медицина хезмәткәрләренең тәүлек буе күзәтүе астында булачак. Балаларны йогышлы авырулар, шул исәптән инфекция йоктыру, балаларның сәламәтлеге торышы һәм булган прививкалар турында белешмәләр булуы турында табиб бәяләмәсе булганда гына кабул итәчәкләр. Һәр лагерь койма белән әйләндереп алынган, тәүлек буе каравыл эшли.
Барлык лагерьларда да контроль-үткәрү пункты җиһазландырылган, аларда ике пост эшлиячәк: беренчесе – керү урыннарында дежур тору өчен, икенчесенең хезмәткәрләре территорияне даими йөреп чыгачак.
КППда, шулай ук лагерь начальнигы кабинетына барлык куркынычсызлык системалары: тревога сигнализациясе төймәсе, автомат янгын сигнализациясе, «Стрелец-мониторинг», видеокамералар мониторы чыгарылган. Барлык муниципаль лагерьлар видеокүзәтү белән җиһазландырылган, лагерьның бөтен территориясе күренә. Җәйге ял чорына лагерь Росгвардия хезмәткәрләре һәм патрульләре даими әйләнеп узу маршрутларына кертелә, дип ачыклык кертәләр мэриядә.
Җәйге савыктыру кампаниясен оештыруга 247 млн сум акча бүленгән. Шуларның 236,3 млн сумы – республика бюджетыннан субсидия, 2,3 млн – Казан бюджетыннан, 8,4 млн – предприятиеләр, 78 млн. сумы – юлламалар сатудан кергән. Шәһәр администрациясендә лагерь, смена һәм программа сайлау һәм юллама өчен онлайн түләүне https://yalkzn.ru сайты аша башкарырга мөмкин булуын искәртәләр.