Бүген чыгарылыш сыйныф укучылары математикадан БДИ тапшыралар
Бүген Татарстанның 10 меңнән артык унберенче сыйныф укучылары математикадан БДИ тапшыралар, шуларның 9367 чыгарылыш сыйныф укучысы, 584е – узган елгы чыгарылыш укучылары һәм көллият һәм техникумнарны тәмамлаган 55 кеше.
Сәламәтлек мөмкинлекләре чикләнгән 116 катнашучы математикадан БДИ тапшыра, шуларның 111 чыгарылыш сыйныф укучысы һәм узган елгы 5 чыгарылыш укучысы.
Мәктәпләрдә имтиханнар үткәрүнең 81 пункты һәм өйдә 14 ИТП оештырылды (гомуми саны – 95). ИТП эшендә 4348 педагогик хезмәткәр катнашачак.
Барлык аудиторияләрдә һәм ИТП штабында онлайн-видеокүзәтү оештырылган. Профильле дәрәҗәдәге математика буенча БДИ сайлау предметы булып тора, минималь бусагада 27 балл.
Профильле дәрәҗәдәге математика буенча БДИның минималь баллары, алар буенча Россия Федерациясе Фән һәм югары белем министрлыгы карамагындагы югары уку йортларына укырга кабул ителә, 2021/2022 уку елына – 39 (Россия Федерациясе Фән һәм югары белем министрлыгының 25.08.2020 номерлы боерыгы).
ИТПга мәгълүмат тапшыру “РЦМКО” ДБУнең якланган каналлары һәм махсус элемтә белән (имтихан материаллары белән дисклар) тапшырыла, өйдәге ИТРларына имтихан материаллары кәгазь чыганакларда махсус элемтә белән китерелә.
Имтихан 10.00 сәгатьтә башлана.
Имтиханның дәвамлылыгы 3 сәгать 55 минут. Сәламәтлек мөмкинлекләре чикләнгән катнашучылар өчен вакытны 1,5 сәгатькә арттыру каралган. Математикадан имтиханга БДИ катнашучылары паспорт, кара гель ручка, сызымнар һәм рәсемнәр төзү өчен белешмә материаллары булмаган линейка алалар.
Быелгы чыгарылыш сыйныф укучылары БДИ нәтиҗәләрен 23 июньдә үз мәктәпләрендә белә алачак, БДИ барлык катнашучылары да – Рособрнадзорның «ГИА» бүлегендә рәсми сайтында http://obrnadzor.gov.ru/gia/gia-11/rezultaty/ буенча.
Шулай ук «РЦМКО» ДБУ сайтында «Бердәм дәүләт имтиханы» бүлегендә http://rcmko.ru/ege/ бүлегендә имтихан нәтиҗәләрен алу өчен Бердәм идентификация һәм аутентификация системасына күчү каралган. Имтиханнарга сәламәтлеге торышы буенча имтиханны вакытыннан алда тәмамлаган катнашучылар, шулай ук документаль расланган нигезле сәбәп буенча имтиханда катнаша алмый калганнар кертелергә мөмкин. Әгәр имтихан үткәрү тәртибе бозылу факты бар икән, мәсәлән, техника эшендә өзеклек, һәм имтихан тапшырганда рәсмиләштерелгән тиешле акт ГЭК карары буенча имтиханга кабат кертелә.