Биләрдә «Экотренд» Бөтенроссия сменасы ачылды

2021 елның 2 августы, дүшәмбе

«Сәләт» Leaders Biler Forum Х Халыкара фестивалендә илнең 17 төбәгеннән 230 яшь эколог җыйган «Экотренд» Бөтенроссия сменасына рәсми старт бирелде.

Чара РФ Президенты идарәсе башлыгы Сергей Новиковның һәм Россия мәгариф министры Сергей Кравцовның видеомөрәҗәгате белән башланып китте.

«Россия мәктәп укучылары хәрәкәтенең» экологик юнәлешен үстерү өстенлекле юнәлешләрнең берсе булып тора. Нәкъ менә шуңа күрә без "Ил буенча экология" акциясен үткәрүгә һәм "Экотренд" белем бирү форумына зур игътибар бирәбез, - дип уртаклашты Сергей Кравцов.

Кунаклар яшь экологларга бик яхшы смена, нәтиҗәле һәм актив эш теләде. Чара РДШ гимны һәм «Сәләт» флагларын күтәрү белән тәмамланды.