Татарстан укучылары геометрия буенча халыкара олимпиадада катнашты

2021 елның 3 августы, сишәмбе

29 июльдән 1 августка кадәр Мәскәү өлкәсенең Дубна шәһәрендә И.Ф. Шарыгин исемендәге Халыкара геометрия олимпиадасының финалы узды. Россия һәм Белоруссия финалистлары олимпиадада барып катнашты. Болгария, Вьетнам, Һиндстан, Иран, Кытай, Перу, Румыния һәм Филиппин вәкилләре олимпиадада дистанцион рәвештә катнаштылар.

Казаннан Татарстанны олимпиаданың сайлап алу этапларын узган 9 укучы тәкъдим итте. Нәтиҗәдә аларның берсе - тугызынчы сыйныф укучысы Илнур Хәмидуллин - III дәрәҗә диплом белән бүләкләнде. Тагын дүрт укучы кыз - сигезенче сыйныф укучысы София Вәлиева, тугызынчы сыйныф укучысы Дана Дидора һәм Ралина Йосыпова (10 сыйныф өчен чыгыш ясаган), шулай ук унынчы сыйныф укучысы Галия Шәрәфетдинова мактау грамоталары белән бүләкләнделәр.