Быел Татарстанда 198 мәгариф учреждениесендә ашханәләрне яңартачаклар
Быел Татарстанда мәктәп азык-төлек блокларын капиталь ремонтлауның яңа программасы буенча 44 муниципаль берәмлектә 198 мәгариф учреждениесен ремонтлау планлаштырыла.
Бу программа буенча азык-төлек блоклары биналарында ремонт һәм тезекләндерү эшләре башкарыла, эчке инженерлык челтәрләрен ремонтлау, шулай ук яңа заманча җайланмалар урнаштыру каралган. Хәзерге вакытта башкарылган эшләр күләме 53% тәшкил итә.
Казанның 91 нче мәктәбенә пресс-тур вакытында ТР мәгариф һәм фән министры урынбасары Алсу Асадуллина хәбәр иткәнчә, узган елдан 1-4 сыйныф укучылары бушлай кайнар туклану белән тәэмин ителә, бу азык-төлек блогына йөкләнешне көчәйткән. «Быел аны 211 мең бала алачак», - диде ул.
РФ Президенты Владимир Путин 2020 елда Федераль Собраниегә еллык юлламасында Россиянең барлык кече укучыларын бушлай кайнар ризык белән тәэмин итү бурычын куйды.