Россия Федерациясе Мәгариф министрына ата-аналар сорауларын җыю дәвам итә
2021 елның 28 августында VIII Бөтенроссия ата-аналар җыелышы була: Россия Федерациясе Мәгариф министры Сергей Кравцов туры эфирда укучыларның ата-аналары сорауларына җавап бирәчәк, дип хәбәр итә Россия Мәгариф һәм фән министрлыгы.
Аралашу илнең төрле төбәкләреннән кергән диалог форматында узачак. Моны онлайн-трансляция кысаларында күзәтергә мөмкин булачак.
Министрга сорауны 2021 елның 20 августына кадәр Гомумроссия ата-аналар җыелышы сайтында, сораулар җыю өчен махсус биттә бирергә мөмкин.
Ел саен, 2014 елдан башлап, Россия Федерациясе Мәгариф министрлыгы һәм Милли ата-аналар ассоциациясе Гомумроссия ата-аналар җыелышы үткәрә. Россия Мәгариф министрлыгы башлыгының әти-әниләр белән турыдан-туры диалогы кире элемтә алу, мәгариф һәм тәрбия үсешенең төрле юнәлешләре буенча фикерләр ишетү, гамәлгә ашырыла торган проектлар һәм программаларның нәтиҗәлелеген бәяләү, шулай ук Россия Мәгариф министрлыгының мөһим темалар буенча позициясен җиткерү, яңалыклар һәм перспективалар турында сөйләү мөмкинлеге бирә.
Вакыйга алдыннан ата-аналар җәмәгатьчелегеннән һәм һөнәри берләшмәдән сораулар җыела һәм анализлана. Гомумроссия ата-аналар җыелышы туры эфирда уза. Ата-аналар өчен бу чара - үзләрен борчыган сорауларга җаваплар ишетү мөмкинлеге бирә.