Татарстанның 24 мәктәбендә футбол дәресләре узачак
Яңа уку елында Татарстанның 24 мәктәбе Татарстан Республикасы Мәгариф һәм фән министрлыгының һәм «Мәктәптә футбол» Россия футбол союзының уртак проектын гамәлгә ашыру буенча сынау мәйданчыклары булачак.
Проект республиканың Яшел Үзән, Югары Ослан, Зәй, Биектау районнарында һәм Казанда старт ала.
«Футбол» модуле программасы «Физкультура» предметы кысаларында РФ Мәгариф министрлыгы тарафыннан эшләнгән.
Мәгариф учреждениеләрендә физик культураны үстерү буенча юл картасы нигезендә әлеге фән буенча Бөтенроссия олимпиадасына әзерләнүгә зур игътибар биреләчәк. Моның өчен республиканың физруклар квалификациясен күтәрәчәкләр, шулай ук узган елгы физкультура олимпиадасында җиңүчеләрне һәм призерларны җәлеп итәчәкләр.
Мәктәпләрдә физкультураны тирәнтен өйрәнү кирәклеге турында «Сириус» мәгариф үзәге җитәкчесе, Гомумроссия халык фронтының үзәк штабы рәистәше Елена Шмелева да әйтә: «Мәктәпләрдә спорт сыйныфларын кертү, спорт белән системалы шөгыльләнүче балаларны әзерләү буенча индивидуаль программаларга күчерү бик акыллы һәм кирәкле эш. Шул исәптән, алар мондый якын килү аркасында теләсә нинди спорт календаренда катнаша алачак ", - дип саный ул.
"Сириус" җитәкчесе сүзләренчә, мәктәпләрдә спорт махсус сыйныфларын булдыру хәтта табигый-фәнни һәм гуманитар дисциплиналар блогын кыскартмыйча да мөмкин.