"Фән. Мәгариф. Хезмәт базары" Халыкара онлайн-форумы Казанда узачак
Анда Татьяна Черниговская, Анатолий Вассерман һәм башка танылган спикерлар катнашачак.
12 августтан 14 августка кадәр «100% Татарстан» интеллектуаль эшлекле пространствоның виртуаль мәйданчыгында «Фән. Мәгариф. Хезмәт базары» Халыкара онлайн-форумы узачак. Өч көн дәвамында лекцияләр, мастер-класслар, дебатлар һәм фикер алышу форматларында бөтен дөньядан мәгърифәт өлкәсендә йөздән артык спикер - профессионаллар чыгыш ясаячак.
Экспертлар арасында журналист, Россиянең иң танылган интеллектуалы Анатолий Вассерман, нейронаука һәм психолингвистика өлкәсендә Россия галиме Татьяна Черниговская кебек танылган кунаклар булачак. Модераторлар булып “Россия 24” телеканалының әйдәп баручы журналисты Станислав Натанзон, ТР Инвестицион үсеш агентлыгы җитәкчесе Талия Миңнуллина чыгыш ясаячак.
Виртуаль мәйданчык дүрт "сәхнәгә" бүленәчәк, аларның һәрберсе укытуның һәм карьераның билгеле бер баскычына багышланачак. Педагоглар да, булачак студентлар да, вуз тәмамлаучылар да үзләре өчен файдалы мәгълүматны табачак.
Форумда заманча мәктәпкәчә яшьтәге балаларның һәм мәктәп укучыларының ата-аналарына аерым игътибар бирәләр - илнең иң яхшы педагоглары балаларның тәрбиясе һәм үсеше буенча үз тәҗрибәләре һәм белемнәре белән уртаклашачак.
Онлайн-чараларның кульминациясе - «Тормыш - иң яхшы укытучы» темасына пленар дискуссия булачак, анда форумга йомгак ясалачак.
Теләгән һәркем форумны 100tatarstan.com сайтында күрсәтә алачак.