Татарстан мәктәп укучылары "Беләсеңме? Өйрәт!" дип аталган конкурста катнашырга чакырыла
1-11 нче сыйныф укучылары өчен "Беләсеңме? Өйрәт! " конкурсына гаризалар җыю башланып китте. Анда катнашучылар катлаулы фәнни концепцияләр һәм теорияләр турында гади сүзләр белән сөйләргә тиеш. Эшләр 31 октябрьгә кадәр nauka.uchi.ru сайтында кабул ителә. Җиңүчеләр конкурсны оештыручылардан һәм партнерларыннан кыйммәтле призлар һәм бүләкләр алачак.
Конкурста катнашу өчен мәктәп укучыларына 3 минутка кадәр дәвам иткән фәнни-популяр видеоролик төшерергә һәм аны nauka.uchi.ru сайтына урнаштырырга кирәк.
Иң яхшы эшләр ачык тавыш бирү нәтиҗәләре буенча сайтта, шулай ук жюри һәм конкурсны оештыру комитетының эксперт бәяләмәсе буенча билгеләнә. Җиңүчеләр арасына һәр яшь категориясенең эш авторлары - башлангыч (1-3 сыйныф), урта (4-7) һәм өлкән сыйныф укучылары (8-11), шулай ук аларның остазлары һәм мәктәпләре керәчәк. Материалны бирүнең ачыклыгы, теманы, иҗатны яктырту тирәнлеге, теманың һәм эшнең катлаулылыгы, фәнне өйрәнүгә омтылыш бәяләүнең төп критерийлары булачак.
Конкурста җиңүчеләрне бүләкләү тантанасы 2021 елның декабрендә узачак.