Казанда «Адымнар» полилингваль комплексында өстәмә белем бирү үзәге тикшерү уза
Бу август көннәрендә Горький шоссесы урамы, 100 йорт буенча өстәмә белем бирү үзәгенең ТР Дәүләт төзелеш күзәтчелеге инспекциясе йомгаклау тикшерүе уза. Объект «Адымнар - белемгә һәм татулыкка юл» полилингваль комплексының бер өлеше булып тора һәм «Пламя» яшьләр лагере территориясендә урнашкан.
Исегезгә төшерәбез, «Адымнар - белемгә һәм татулыкка бару» полилингваль белем бирү комплексы Казанда 2020 елның 1 сентябрендә ачылды. Ул 165 нче мәктәп базасында оештырылган. Бу республикада рус, татар һәм инглиз телләрен тирәнтен өйрәнүче шундый төрдәге объектларның беренчеләреннән берсе. Казан комплексы бинасында күпфункцияле спорт заллары, бассейннар, иҗади остаханәләр, фәнни лабораторияләр, видео- һәм тавыш яздыру студиясе, заманча китапханә бар. Болар барысы да фән, сәнгать, мәдәният һәм спорт дөньясына кагылырга мөмкинлек бирә.
2024 елга Татарстанда «Мәгариф» милли проекты кысаларында барлыгы алты шундый комплекс эшләтеп җибәрү планлаштырыла. Проектның максаты - балалар рус, татар, инглиз телләрендә укыячак һәм милләтара килешү рухында тәрбияләнәчәк мәгариф үзәге моделен булдыру.