Татарстанда 65% укучы өйрәнү өчен татар телен сайлаган
Татарстанда узган уку елында укучыларның 65%тан артыгы туган татар телен һәм әдәбиятын өйрәнде. Бу хакта “Татар-информ” мәгълүмат агентлыгының баш мөхәррире Ринат Билаловка “12 нче кат” проектына биргән интервьюсында ТР мәгариф һәм фән министры Илсур Һадиуллин хәбәр итте.
«Мәгариф телен ирекле сайлау, туган телне өйрәнү ата-аналарның гаризалары буенча гамәлгә ашырыла. Республикада туган телдә белем алу өчен шартлар тудырылган. Биш телдә - рус, татар, чуаш, удмурт һәм мари телләрендә белем бирү оештырылды. Җиде тел - рус, татар, чуаш, удмурт, мари, мордва, ивритны өйрәнү фән булып тора», - дип сөйләде Мәгариф һәм фән министрлыгы башлыгы.
Хәдиуллин сүзләренә караганда, республиканың мәгариф системасында 3525 туган тел һәм әдәбият укытучысы эшли, шуларның 3,4 меңе - татар теле. «Республиканың барлык мәктәпләре дә укытучылар белән тәэмин ителде. Югары уку йортларында аларны әзерләү системасы төзелгән, квалификацияләрен күтәрү оештырылган», - дип ассызыклады ул.