Миңнеханов: Татарстанда фәнни-мәгариф комплексын үстерү программасын әзерлиләр
Татарстанда биш елга исәпләнгән фәнни-мәгариф комплексын үстерү программасы эшләнә. Бу хакта республика Президенты Рөстәм Миңнеханов Актанышта мәгариф һәм фән хезмәткәрләренең республика август киңәшмәсендә белдерде.
«Мәгариф системасын үстерү - эшчәнлекнең өстенлекле юнәлешләреннән берсе. 2021 ел Россиядә һәм Татарстанда Фән һәм технологияләр елы дип игълан ителде. Республикада фәнни-мәгариф комплексын үстерүнең комплекслы программасы эшләнә», - диде ТР Президенты.
Миннниханов искәртеп узганча, Татарстанда яшәүче халыкларның туган телләрен, мәдәниятен һәм гореф-гадәтләрен саклау һәм үстерү, шулай ук республикада 2021 нче еллардагы күпмилләтле халыкның бердәмлеген ныгыту өчен Туган телләр һәм халык бердәмлеге елы дип игълан ителде.
«Патриотлык, туган якка мәхәббәт формалаштыруда мөһим роль мәгариф системасына бирелә», - дип ассызыклады ул.