Татарстанда 20 көллият һәм техникум 42 остаханә төзү өчен 170 млн сум алачак
Татарстанда якындагы өч елда 20 көллият һәм техникум 42 остаханә төзү өчен федераль бюджеттан 170 млн сумнан артык акча алачак. Бу хакта ТР Мәгариф һәм фән министры Илсур Һадиуллин Актанышта педагогик хезмәткәрләрнең республика август киңәшмәсендә хәбәр итте.
Мәгариф һәм фән министрлыгы башлыгы сүзләренә караганда, «Мәгариф» илкүләм проектының «Яшь профессионаллар» федераль проекты буенча 11 һөнәри белем бирү оешмасы матди-техник базаны модернизацияләүгә 350 млн сумнан артык субсидия алган инде.
Һадиуллин билгеләп үткәнчә, республикада тугызынчы сыйныфны тәмамлаучыларның 54% ы көллият һәм техникумнарда укуларын дәвам итә. Татарстанда Урта һөнәри белем бирү учреждениеләрендә 200 дән артык белгечлек һәм эшче һөнәр буенча кадрлар әзерләү бара.
"Бик зур тупланган тәҗрибәне һәм инновацион инфраструктураны исәпкә алып, Казанда WorldSkills технологияләре үзәген булдыру турында Карар кабул ителде, аның төп бурычы – милли җыелма команда әгъзаларын халыкара чемпионатларга әзерләү», - дип билгеләп үтте ул.
Республиканың фәнни секторының үсеш перспективалары күбесенчә «Фән һәм университетлар»милли проекты белән билгеләнә, дип өстәде Министр.