Чистайда мәгариф хезмәткәрләренең август конференциясе узды
Яңа уку елы алдыннан укытучылар, тәрбиячеләр, өстәмә белем бирү педагоглары, шәһәр һәм район мәгариф учреждениеләре җитәкчеләре «Чистай» мәдәни үзәгендә традицион август конференциясенә җыелдылар.
Башта конференциядә катнашучылар игътибарына педагогик эшчәнлектә кулланыла торган санлы технологияләр, шәһәр һәм район мәгариф оешмаларының төп казанышлары турында сөйләүче күргәзмә тәкъдим ителде.
Аның эшендә Чистай районы башлыгы Дмитрий Иванов, ТР Дәүләт Советының Торак сәясәте һәм инфраструктура үсеше комитеты рәисе Александр Тыгин, ТР Дәүләт Советы депутаты Халит Гарифуллин, ТР Мәгариф һәм фән министрлыгының урта һөнәри белем бирүне үстерү бүлеге башлыгы Любовь Митрофанова катнашты.
Белем бирү чарасының өстенлекле тематик юнәлеше-хәзерге заман мәгарифендә үзгәрешләр шартларында сыйфат белән идарә итү мәсьәләләре.
Киңәшмә барышында педагоглар киләсе уку елына стратегик бурычлар билгеләделәр. Конференция ахырында шәһәр һәм районда мәгариф системасын үстерүгә өлеш керткән иң яхшы педагогларны бүләкләү булды.