ЯҢАЛЫКЛАР

Мәгариф һәм фән өлкәсендә күзәтчелек буенча федераль хезмәт бердәм дәүләт имтиханының "сентябрь дулкыны"н үткәрү зарурлыгын бәяләячәк. Быелга соңгы БДИны бирергә тиешлеләрнең 75 проценты гына килгән. Бу хакта журналистларга ведомство башлыгы Сергей Кравцов Новосибирскида узган Бөтенроссия конференциясендә хәбәр иткән.

2015 елның 12 октябрендә  Мәгариф комитеты рәисе урынбасары Ирина Асланян җитәкчелегендәге  Санкт-Петербург шәһәре делегациясе Татарстанга эшлекле сәфәр белән килде. Алар биредә 16 октябрьгә кадәр булачак. Делегация составында иң яхшылар мәктәп директорлары - инновацион мәгариф программаларын кертүче белем бирү оешмалары конкурсы җиңүчеләре дә бар.

Россия Мәгариф Министрлыгы теләктәшлеге белән илдәге иң яхшы мәктәпләр исемлеген төзегәннәр. 500 иң яхшы белем йорты арасында 17 Татарстан мәктәбе дә бар.

Татарстан укучылары 2015 елның 13 октябрендә Г.Камал исемендәге татар дәүләт академия театрында М.Фәйзи пьесасы буенча куелган "Галиябану" спектаклен карыячак.

Татарстанда республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 221 мәктәбеннән 47 меңнән артык укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 56 590  шәхси кабинетта сакланган.

“Казан” агросәнәгать паркында узган ярминкәдә Чирмешән районы укытучылары 37 мең сумлык әйбер сатып кайтканнар.

2015 елның 8-9 октябрендә Арча шәһәрендә Татарстан Республикасы  һөнәри белем бирү оешмаларының III Спартакиадасы кысаларында җиңел атлетика буенча кросс булды. Ярышларда республика районнарыннан 18 һәм шәһәрләрдән 48 команда катнашты.

ТР Милли китапханәсендә инглиз телендә аралашучылар клубы эшли башлый. Анда инглиз телен камилләштерү белән бергә, чит телләрне өйрәнгәндә килеп чыга торган башка каршылыкларны да бетерергә була.

Әгерҗенең 2нче, 4нче мәктәпләрендә, стадионда укытучыларның традицион ярышы узды. Мөгаллимнәр үз көчләрен бадминтон, пневматик мылтыктан ату, озынлыкка сикерү, армспорт, аркан тартышу, 10 метрга йөгерү буенча сынадылар. Бәйгедә мәгариф идарәсеннән һәм барлык мәктәпләрдән командалар катнашты.

Әле шушы көннәрдә генә Совет районының 162 нче балалар бакчасы гөр килеп торды.