ЯҢАЛЫКЛАР

10 октябрьдә, 7-14 сәгатьләрдә, Казанның агросәнәгать паркында ТР урта һөнәри белем бирү учреждениеләренең авыл хуҗалыгы продукциясе һәм халык һөнәрчелеге эшләнмәләр ярминкәсе уза. Бу хакта  "Татар-информ" МА үткәргән матбугат конференциясендә ТР мәгариф һәм фән министрының беренче урынбасары Андрей Поминов һәм республика ссузлары Директорлар советы рәисе Әнфисә Җәләлова белдерде.

11 октябрь көнне 21 сәгатьтә “Яңа гасыр” каналында ТР Премьер-министры Илдар Халиков катнашында узган Халыкара укытучылар көненә багышланган зур бәйрәм тантанасының телеверсиясе була.

Белем бирү оешмаларының иң яхшы китапханәләрен барлау һәм аларның эш тәҗрибәсен өйрәнү максатыннан, агымдагы елның 25 нче августыннан 25 нче октябренә кадәр “Иң яхшы мәктәп китапханәсе – 2015” республика бәйгесе үткәрелә.

Бүген Казанда ТР Мәгарифне үстерү институтында Бөтенроссия “Авыл укытучысы — 2015” конкурсының соңгы III этабына чыккан 10 педагог үзләре белем биргән предметлар буенча мастер-класс тәкъдим итте.

Бүген ТР Дәүләт Советының мәгариф, мәдәният, фән һәм милли мәсьәләләр комитеты утырышы узды. Анда депутатлар республика һәм федераль закон проектларын карадылар. Комитет утырышында ТР Дәүләт Советы Рәисе урынбасары Римма Ратникова катнашты.

10 октябрьдә, 7-14 сәгатьләрдә, Казанның агросәнәгать паркында ТР урта һөнәри белем бирү учреждениеләренең авыл хуҗалыгы продукциясе һәм халык һөнәрчелеге эшләнмәләр ярминкәсе уза. Бу хакта "Татар-информ" МА үткәргән матбугат конференциясендә ТР мәгариф һәм фән министрының беренче урынбасары Андрей Поминов һәм республика ссузлары Директорлар советы рәисе Әнфисә Җәләлова белдерде.
Ярминкә һөнәри белем бирү сыйфатын күтәрү, яшьләр арасында эшче һөнәрләрен популярлаштыру һәм халыкны авыл хуҗалыгы продукциясе белән тәэмин итү максатыннан оештырыла.

8 октябрь көнне сәгать 10да Казанда ТР Мәгарифне үстерү институтында (Казан ш., Зур Кызыл ур., 68) “Авыл укытучысы-2015” бәйгесенең III этабына чыккан педагоглар үз предметлары буенча мастер-класс тәкъдим итәчәк. Мастер-класс форматы жюрины өйрәнелгән теманың әһәмияте, аны өйрәнүдә кулланылган шәхси новацияләр, оригиналь алымнар һәм методлар белән таныштыруны үз эченә ала.

Краснодар өлкәсендә "Сочи-2015" Халыкара инвестицион форум уза. Биредәге төп темаларның берсе - яшьләргә өстәмә һөнәри белем бирү.Әлеге форумда шулай ук Россия Федерациясе Хөкүмәте Рәисе урынбасары Ольга Голодец һәм "Ворлдскиллс Россия" Һөнәри берләшмәләр үсеше  һәм эшче кадрлар агентлыгы генераль директоры Роберт Уразов та катнаша.

Быел беренче мәртәбә Әлки районының беренче сыйныф укучылары халыкара тикшеренүдә катнаша. Әлеге тикшеренү беренче сыйныфка килүче балаларның гомуми әзерлек дәрәҗәсен ачыклау максаты белән оештырыла.

Татарстан мәктәпләренең башлангыч сыйныфларында укучылар өчен "Мәктәп укучысының мәдәни көндәлеге" дип аталган яңа проект башлана. Һәр укучыга махсус көндәлек тапшырылачак. Уку елы дәвамында ул биредә үзе булган  төрле мәдәни чаралар - театрлар, музейлар, китапханәләр һ.б. турында уй-фикерләре, тәэсирләре турында язарга тиеш.