ЯҢАЛЫКЛАР

Татарстанда республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 187  мәктәбеннән 40 меңнән артык укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 49 799  шәхси кабинетта сакланган.

Тиздән Россиянең иң эре вузлары үзләре фән кандидаты һәм докторы гыйльми дәрәҗәләрен бирү хокукына ия булырга мөмкин. Бу хактагы закон проекты бүген РФ Хөкүмәте утырышында карала. “Фән һәм дәүләтнең фәнни-техник сәясәте турында”гы законга кертелгән төзәтмәләр моңа кадәр РФ Хөкүмәтенең закон проектлары эшчәнлеге буенча комиссиясе тарафыннан хупланган.

Мөслим лицее укучылары шефлык эшен дәвам итә. Мәктәпнең 6 нчы сыйныфы укучылары инде берничә ел рәттән мәгариф ветераны Әнисә апа Салиховага ярдәм күрсәтә.

Кадет мәктәп – интернатында ГТО нормаларын тапшыру буенча көзге сессия узды. Биредә белем алучы 150 укучы 60, 100 метрга, 1,5 километрга йөгерү һәм урыннан озынлыкка сикерү буенча зачет тапшырды.

ТР Хезмәт, халыкны эш белән тәэмин итү һәм социаль яклау министрлыгы тарафыннан уку йортлары арасында 2016/2017 уку елына республика бюджеты хисабына урта һөнәри һәм югары белем бирү программалары буенча белем алу өчен гражданнарны кабул итүнең контроль саннарын бүлүгә конкурс игълан ителде.

РФ мәгариф һәм фән министрлыгы тиздән 12 мең дәресне интернетта урнаштырачак. Бу хакта бүген ведомствоның матбугат хезмәте министрлык башлыгы Дмитрий Ливановның гражданнарны кабул итүе нәтиҗәләре буенча хәбәр итте, дип яза “ТАСС”.

Иртәгә сәгать 11.00дә Казан илкүләм тикшеренү технологик университеты – КХТИның гыйльми советы кече залында (Казан шәһәре, К.Маркс урамы, 68нче йорт, 2нче кат) ТРның гуманитар һәм социаль-икътисади фәннәр буенча вузара координацион советы утырышы уздырыла. Анда ТР Президенты, шулай ук республиканың муниципаль берәмлекләре вәкиллекле органнарына сайлауларның беренчел нәтиҗәләре һәм шушы органның агымдагы мәсьәләләре турында фикер алышу күздә тотыла.

Татарстанда имтиханнарның төп дулкынында минималь бусаганы узмаган чыгарылышлар арасында рус теле һәм математикадан БДИны яңадан тапшырып карауга гаризалар кабул итү төгәлләнде.

2015 елның 17 сентябрендә Татарстан Республикасы Мәгариф һәм фән министрлыгы юристлары Менделеевск муниципаль районында  мәгариф өлкәсенә караган сораулары булган кешеләр өчен бушлай юридик консультация уздырачак.