ЯҢАЛЫКЛАР

Сентябрь азагында Казанның 177нче мәктәбе базасында "Ел укытучысы-2015" Бөтенроссия конкурсының финалы узачак. Конкурсның финал этабында бөтен Россиядән килгән 78 укытучы ярышачак.

2015 елның 2 октябрендә Россия һөнәри белем бирү буенча дәүләт  системасының барлыкка килүенә 75 ел тула. Әлеге түгәрәк датаны билгеләп үтү кысаларында, агымдагы уку елында республика көллиятләре һәм техникумнарында узачак чаралар исемлеге төзелде. Һөнәри белем бирү системасының иң яхшы мөгәллимнәрен бүләкләү тантанасы 3 октябрьда "Татнефь-Арена"  Боз сараенда Халыкара Укытучылар көнен билгеләп үткәндә  узачак.

2015 елның 21-22 сентябрендә Республика белем сыйфатын мониторинглау үзәге һәм Яр Чаллы шәһәренең аерым фәннәрне тирәнтен өйрәтүче 35нче урта гомуми белем бирү мәктәбе базаларында IPIPS халыкара тикшеренүендә катнашуның үзенчәлекләре турында семинар узды. Семинарларда Аксубай, Әлки, Апас, Балтач, Югары Ослан, Чүпрәле, Теләче, Лаеш, Әлмәт, Бөгелмә, Зәй, Сарман, Чирмешән районнарыннан һәм Яр Чаллы шәһәреннән  тикшеренүнең муниципаль координаторлары, башлангыч мәктәп укытучылары, балалардан сораштыру үткәрәчәк интервьюерлар катнашты.

Татарстанда "Китапка икенче сулыш бир" республикакүләм хәйрия акциясе 2015 елның 22 октябренә кадәр дәвам итәчәк. Бүгенге көндә Арча муниципаль районы халкы мәктәп китапханәләре фондын үстерүдә иң актив катнашучылар булып тора.

2015 елның 17 нче сентябрендә «Күпмилләтле Россия – күпмилләтле Татарстан» : тәҗрибә, перспективалар» белем бирү проектын тормышка ашыру» дип исемләнгән республика семинары үтте.

Бүген ТР буенча Эчке эшләр министрлыгының ЮХИДИ идарәсендә студентлар арасында “Автосессия” V республика конкурсы финалы булды.

Казан укучылары уку елы дәвамында "Зеленый круг" социаль-экономик проект кысаларында 286 тонна макулатура тапшырган. Әлеге проект Казан мәктәпләре арасында инде икенче ел үткәрелә.

26 сентябрь көнне Казанда Балалар һәм өлкәннәр өчен “Мавыктыргыч фән һәм техника” интерактив робот техникасы буенча “Легоробот ДЗНиТ-2015” ярышларын уздыра

10 октябрьдә “Казан” агросәнәгать паркында Татарстан мәгариф учреждениеләренең традицион авыл хуҗалыгы продукциясе ярминкәсе узачак. Әлеге чарада мәктәп, көллият, техникум, өстәмә белем бирү үзәкләре коллективлары катнашачак. Ярминкәдә алар үзләре үстергән-җитештергән бәрәңге, суган, кишер, чөгендер, ит, шулай ук халык һөнәрчелеге товарларын алып киләчәк.

Мамадыш укучыларның әти-әниләре хәзер мәктәп ашханәләрендәге меню белән танышып бара алачак. Көн саен шәһәрдәге белем бирү оешмалары сайтларында иртәнге аш, төшке аш турында тулы мәгълүмат урнаштырылачак.