ЯҢАЛЫКЛАР

"Ел укытучысы-2015" конкурсы сынауларының туры тарнсляциясе дәвам итә. Финалда катнашучы укытучыларның дәресләре 177нче мәктәптә уза. Аларны 28 һәм 29 сентябрьдә онлайн-форматта 8.30 сәг-тән башлап карарга мөмкин.

Республика урманчылыкларында һәм шәһәр яны тыюлыкларында “Татарстанның чиста урманнары” табигатьне саклау акциясе башланды.  Мәктәп урманчылыкларында укучылар һәм экология берләшмәләре урманчыларга ярдәм итә.

Казанның Идел буе районы балалар йортында тәрбияләнүче Даниил Зарипов 19-24 сентябрьдә Мәскәүдә үткәрелгән “Созвездие” VII бөтенроссия балалар иҗаты конкурсыннан җиңеп кайтты. Ул “Вокал” номинациясендә (укытучысы – Айсылу Чижевская) II урынга лаек булды.

Бүген Казанда "Россия ел укытучысы-2015" бөтенроссия конкурсы башланды. Чара Г.Камал исемендәге Татар дәүләт академия театрында узды. Анда ТР Президенты Рөстәм Миңнеханов һәм РФ мәгариф һәм фән министры Дмитрий Ливанов, шулай ук ТР Премьер-министры урынбасары - ТР мәгариф һәм фән министры Энгель Фәттахов һ.б. рәсми затлар катнашты.

24-27 сентябрь көннәрендә “Идел” яшьләр үзәгендә республиканың урта һөнәри белем бирү йортлары студентлары өчен активлар мәктәбе уздырыла. Әлеге мәктәп ТР Мәгариф һәм фән министрлыгы, урта һөнәри белем бирү учреждениеләре директорлары советы һәм ТР Студентлар лигасы тарафыннан имзаланган килешүне тормышка ашыру кысаларында оештырыла. Бу мәктәптә ТР һөнәри белем бирү йортларыннан студентлар үзидарәсенең 150дән артык лидеры, студентлар советы рәисләре һәм активистлары катнаша.

Бүген Казанда " Ел укытучысы - 2015" бөтенроссия конкурсы башланды. Бу минутларда Г.Камал исемендәге Татар дәүләт академия театрында тантаналы чара уза. Анда ТР Президенты Рөстәм Миңнеханов һәм РФ мәгариф һәм фән министры Дмитрий Ливанов, шулай ук ТР Премьер-министры урынбасары - ТР мәгариф һәм фән министры Энгель Фәттахов һ.б. рәсми затлар катнаша.

Бүген РФ мәгариф һәм фән министры Дмитрий Ливанов "Россия ел укытучысы-2015" конкурсы финалистларына уңышлар теләде.

Казанның Совет районында мәктәпкәчә белем бирү учреждениесе нең яңасы – “Арлекин” исемендәге балалар бакчасы ачылды. Балаларны, аларның әти-әниләрен һәм педагоглар төркемен “өй туе” белән Казан мэры Илсур Метшин котлады.

Бүген Казанда Евгений Завойский исемендәге премия лауреатларын бүләкләделәр. Тантаналы чарада Татарстан Республикасы Премьер-министры урынбасары Васил Шәйхразиев катнашты.