ЯҢАЛЫКЛАР

Бүген ТР Мәгариф һәм фән министрлыгында “Мәгариф” илкүләм өстенлекле проекты кысаларында республиканың иң яхшы укытучыларын бүләкләү тантанасы уздырылды. Педагогларны, елдагыча, ТР Премьер-министры урынбасары – ТР мәгариф һәм фән министры Энгель Фәттахов үзе котлады.

“Россия ел укытучы – 2015” финалының бүгенге конкурс көне мәгариф өлкәсендә проектлауга багышлана. Катнашучылар үз проектларын жюрига 17.30дан да соңга калмыйча тәкъдим итәргә тиеш.
Искәртеп үтик: “Россия ел укытучысы-2015” бөтенроссия конкурсының финалы 24 сентябрьдән алып 2 октябрьгә кадәр Казанда үткәрелә. Бәйгенең йомгаклау сынаулары башкаланың 177нче мәктәбендә уза.

Казан шәһәренең 177 мәктәбендә “Россия ел укытучысы-2015” Бөтенроссия конкурсының беренче турына нәтиҗәләр ясау уңаеннан тантаналы чара узды.

Әгерҗе районы Иж-Бубый мәктәбе укытучылары да белем йортына хәзер форма киеп йөри. Кемдер әлеге комплектны тулысынча тектерергә теләк белдергән, кемдер – күңеленә хуш килгән өс киемен генә.

Элек ГТО нормалары сөенә-сөенә тапшырыла иде, хәзер әлеге йөкләмәләрне мәҗбүри диярлек үтәтергә җыеналар. Узган елның сентябрендә Россия Президенты Владимир Путин ГТО нормативларын гамәлгә кертү турындагы фәрманны имзалаганнан соң, илдә ГТО шаукымы башланды. Татарстан, гадәттәгечә, яңалыкларга беренче булып кереште – 14 пилот төбәк арасында безнең республика да бар.

Бүген, сентябрь аена нәтиҗәләр ясап, 24 сәгать дәвамында I Россиякүләм "Әдәби җәүһәрләр" татар әдәбиятын сөючеләр бәйгесенең беренче онлайн-викторинасы үткәреләчәк.

Татар китап нәшрияты Татарстан мәгариф һәм фән министрлыгы белән берлектә рус телле балалар өчен татар теле дәреслеге концепциясенә конкурс игълан итә.

Татарстан укытучысы, “Россия ел укытучысы – 2014” конкурсының абсолют җиңүчесе Алла Головенькина Мәскәүдә Халыкара укытучы көне уңаеннан уздырылачак бәйрәм тантанасын алып барачак. Чара 5 октябрьдә Дәүләт Кремль сараенда була. Нәкъ менә бу көнне “Россия ел укытучысы – 2015” конкурсы җиңүчесе игълан ителә. Искәртеп үтик: конкурсның йомгаклау өлеше бу көннәрдә Казанда уздырыла.

2015 елның 1 октябрендә Татарстан Республикасы Мәгариф һәм фән министрлыгында “Мәгариф” илкүләм өстенлекле проекты кысаларында лидер укытучыларны бүләкләү тантанасы узачак.

Татарстанның югары уку йортларында укучылар бик актив. Ә менә урта һөнәри уку йортларында белем алучылар һәрвакыт күләгәдә кала. Бу вәзгыятьне үзгәртү максаты белән, ниһаять, чаралар да уздырыла башлады. Шушы араларда оештырылган урта һөнәри белем бирү учреждениеләре үзидарәсе лидерлар активы мәктәбе узды.