ЯҢАЛЫКЛАР

1 октябрьдә “Мәктәп директоры – 2015” бөтенроссия конкурсының читтән торып уздырылган беренче этабы төгәлләнде. Финалга җәмгысе 30 конкурсант узган. Алар сынауны бәйгенең 24-26 ноябрьдә Мәскәүдә булачак йомгаклау өлешендә дәвам иттерәчәк.

7 октябрь көнне сәгать көндезге 2дә Казанның Мәгариф хезмәткәрләре йортында, Укытучылар көне уңаеннан, педагогик хезмәт ветераннары өчен ел саен оештырыла торган бәйрәм концерты була. Бәйрәм, традиция буенча, шәһәрнең педагог-ветераннар советы белән берлектә үткәрелә.

Казанда, WorldSkills халыкара чемпионатына әзерлек максатында, Россия Федерациясе дәрәҗәсендә җаваплылыкны бүлү концепциясе эшләнә, аның кысаларында төбәкара компетенция үзәкләре төзү каралган. Аларны булдыру өчен федераль бюджеттан 4 млрд сум акча бүленә. Бүген бу хакта ТР Премьер-министры Илдар Халиков катнашында узган киңәшмәдә ТР мәгариф һәм фән министры Энгель Фәттахов хәбәр итте.

Иртәгә 16.00дә Казанның “Корстон” комплексында “Россия ел укытучысы – 2015” бөтенроссия конкурсы финалының II турына йомгак ясалачак. Тантанада ТР Премьер-министры урынбасары – ТР мәгариф һәм фән министры Энгель Фәттахов катнашуы көтелә.

Казан федераль университеты беренче тапкыр Times Higher Education британ журналы төзегән дөньяның иң яхшы университетлары рейтингына кергән. КФУ 301-350 диапазонында урнашкан, ә рейтингтка бәяләнгән 13 россия югары уку йортлары арасында 4 урында тора.

1994 елдан бирле 100дән артык илдә 5 октябрь Укытучылар көне буларак билгеләп үтелә. Бу бәйрәм белем бирү өлкәсендә эшләүче һәркем өчен мөһим. Әлеге бәйрәмнең гамәлгә керүенә 1966 елның 5 октябрендә Парижда «Укытучыларның җәмгыятьтә биләгән урыны» темасына җыен үтүе сәбәпче булганлыгы билгеле. Нәтиҗәдә, ЮНЕСКО вәкилләре һәм Халыкара хезмәт оешмасы тарафыннан «Укытучы статусына кагылышлы тәкъдим»гә кул куела. Бөтендөнья укытучылар көне БМОбөтендөнья һәм халыкара көннәре исемлегенә кертелә.

2015 елның 2 октябрендә "Сочи-2015" Халыкара икътисад форумында Россия Федерациясе Хөкүмәте вице-премьеры Ольга Голодец катнашында узачак матбугат конференциясендә 2016, 2017, 2018 елларда   һөнәри осталык  милли чемпионаты финалын уздыру өчен үткәрелгән бәйгедә җиңеп чыккан өч регион  исеме билгеле булачак.

Бүген "Россия ел укытучысы-2015" конкурсының икенче туры тәмамлана. Конкурста катнашучылар педагогик советта катнашты. Нәкъ менә бәйгенең әлеге сынавы булган проблемалар, аларны чишү юллары һәм мәгариф үсеше перспективалары турында фикер алышу өчен билгеле бер яссылык тудыра. Фикер алышу өчен өч тема билгеләнгән иде.

Азакайда яңа уку елында бердәм дәүләт имтиханнарына әзерлек буенча чаралар күреләчәк.

Иннополис университетына яңа директор билгеләнде. IТ-вузны Кирилл Семенихин -  "Microsoft"ның Россиядәге төбәк директоры, Директорлар советы әгъзасы җитәкләде. Әлеге компаниядә ул 11 ел эшләгән.