«Күпмилләтле Россия – күпмилләтле Татарстан»: тәҗрибә, перспективалар» белем бирү проектын тормышка ашыру» дип аталган республикакүләм семинар

2015 елның 17 нче сентябрендә «Күпмилләтле Россия – күпмилләтле Татарстан» : тәҗрибә, перспективалар» белем бирү проектын тормышка ашыру» дип исемләнгән республика семинары үтте.
Әлеге семинарда Татарстан Республикасының Мәгарифне үстерү институты хезмәткәрләре, муниципаль берәмлекләрдән тарих һәм җәмгыять белеме укытучылары, методистлар катнашты.
Чарада «Күпмилләтле Россия – күпмилләтле Татарстан» укыту - методик комплексына презентация булды. Проект авторлары Пискарев В.И., Сафронова И.В., Фокеева И.М. курс эчтәлегенең концептуаль идеяләрен һәм укыту үзенчәлекләрен ачып бирде. Апробациядә катнашучы укытучылар, Арапов К.А., Конышева Е.В., Гарифуллина А.Я. әлеге курсны белем бирү эчтәлегенә кертү модельләре турында сөйләде.
Семинар ахырында курс авторлары, татар теле һәм әдәбияты кафедрасы доценты Мөхәрләмова Г.Н., методистлар, укытучылар катнашында «Мәктәп киңлекләрендә «Күпмилләтле Россия – күпмилләтле Татарстан» курсы эчтәлегенең интеграциясе» дигән темага түгәрәк өстәл оештырылды.
Семинарда катнашучыларның төп фикерләре һәм тәкъдимнәре:
- «Күпмилләтле Россия – күпмилләтле Татарстан» курсы мавыктыргыч, аны өйрәнү – тәрбия бирүнең әһәмиятле өлеше;
- курсны уку-укыту процессына кертеп җибәрү, хезмәт өчен түләү мөмкинлекләрен эзләргә;
- «Күпмилләтле Россия – күпмилләтле Татарстан» курсы материалларын дәрестән тыш эшчәнлектә кулланырга.