Татарстан Республикасы Министрлыклары Татарстан Республикасы Мәгариф һәм фән министрлыгы

ЯҢАЛЫКЛАР

август, 2015 ел

чәршәмбе

Татарстанның мәгариф оешмаларында капиталь ремонт 98 процент башкарылган

Татарстанның мәгариф учреждениеләрендә капиталь ремонт 98 процент башкарылган, 64 мәгариф оешмасында эшләр тулысынча төгәлләнгән. Әтнә, Алексеевск, Яңа Чишмә, Әлки районнарында һәм Казанның берничә мәктәбендә эшләр сроктан артта кала, шулай да, 25 августка төгәлләргә планлаштыралар.

Казан укытучылары белем бирү өлкәсендә инновацион технологияләр буенча фикер алышачаклар

Ел саен уздырыла торган мәгариф хезмәткәрләренең шәһәркүләм август конференциясенең пленар утырышы Казанда 27 августта узачак. Конференциянең төп фикер алышу темасы – “Заманча мәгариф: тигез мөмкинлекләр – инновацион технологияләр – шәхси җаваплылык”.

Дмитрий Ливанов: “Россия 2019 елда Казанда уздырылачак “WorldSkills International” чемпионатында югары нәтиҗәгә өметләнә ала”

Россия җыелмасы 2019 елда Казанда уздырылачак һөнәри осталык буенча “WorldSkills International” дөнья чемпионатында югары нәтиҗәгә өметләнә ала, дип саный РФ мәгариф һәм фән министры Дмитрий Ливанов.

Болгарда II Халыкара кыр археология мәктәбе эшли башлады

Болгар дәүләт тарих-архитектура музей-тыюлыгындагы Идел буе Болгар дәүләтенең 922 елда ислам динен рәсми кабул итү хөрмәтенә куелган Истәлек билгесе конференцияләр залында кичә II Халыкара кыр археология мәктәбе үзенең эшен башлады. Анда дөньяның 25 иленнән 100 яшь галим-тикшеренүче катнаша.

2015-2016 уку елында 9нчы сыйныф укучылары 4 фән буенча дәүләт имтиханы тапшырачак

Мәгариф һәм фән өлкәсендә күзәтчелек буенча федераль хезмәт мәктәпләргә, 2015-2016 уку елында 9нчы сыйныф укучылары 4 фән буенча дәүләт имтиханы тапшырачагын хәбәр итеп, хатлар юллаган, дип яза “Российская газета”. Аерым алганда, укучылар тапшырырга тиешле итиханнарның икесе мәҗбүри (рус теле, математика), икесе сайлап алынган фәннәр (физика, химия, биология, рус әдәбияты, география, тарих, җәмгыять белеме, чит ил телләре, информатика) буенча була. Дөрес, бу уку елында аттестат алу өчен укучыларга рус теле һәм математика буенча дәүләт йомгаклау сынавын уңышлы узу да җитә. Ә менә 2016-2017 уку елында исә сайлап алынган фәннәр буенча тапшырылган имтихан нәтиҗәләре дә исәпкә алыначак. Сынауны “икеле”гә тапшырган укучыларга имтиханны яңадан тапшыру рөхсәт ителәчәк.

август, 2015 ел

дүшәмбе

Бөгелмә районында укытучыларның республика август киңәшмәсенә санаулы көннәр калды

21 августта Бөгелмә шәһәрендә мәгариф һәм фән хезмәткәрләренең еллык республика август киңәшмәсе уздырылачак. Быелгы киңәшмә “Заманча мәгариф: яңа стратегик ориентирлар – яңа чишелешләр” темасына багышлана.

август, 2015 ел

шимбә

Яшел Үзәндә ресурс үзәге ачылды

Яшел Үзәннең механика көллияте бинасында ресурслар үзәге ачылды.
Әлеге үзәк районыбызның эре сәнәгать тармагы өчен югары квалификацияле эшче кадрлар әзерләп чыгару белән шөгыльләнәчәк.

август, 2015 ел

җомга

Энгель Фәттахов: “Бөгелмә районында иң яхшы муниципаль мәгариф системаларының берсе булдырылган”

13 август Бөгелмәдә Татарстан Республикасы мәгариф хезмәткәрләренең август киңәшмәсе кысаларында ТР Премьер-министры – ТР мәгариф һәм фән министры Энгель Фәттахов катнашында “Мәктәпкәчә белем бирүнең федераль дәүләт мәгариф стандартларын тормышка ашыруның система хасил итә торган юллары” темасына секция утырышы уздырылды. Чарада мәгариф идарәләренең мәктәпкәчә тәрбия һәм белем бирү мәсьәләләре өчен җаваплы методистлары, белгечләре, балалар бакчалары җитәкчеләре катнашты. Алар Бөгелмә районы мәктәпкәчә белем бирү йортларында булды, хезмәттәшләренең эш тәҗрибәсе белән танышты һәм мәктәпкәчә белем бирүнең федераль дәүләт стандартларын тормышка ашырудагы төп ысуллар турында фикер алышты.

август, 2015 ел

пәнҗешәмбе

Энгель Фәттахов: “WorldSkills чемпионатын үткәрү эшче һөнәрләр абруен үстерү өчен куәтле этәргеч булачак”

10 августа Казан 2019 нчы елда һөнәри осталык буенча WorldSkills дөнья чемпионатын уздыру хокукына ия булды. WorldSkills Competition-2019 хуҗабикәсе булган ил Сан-Паулуда (Бразилия) узган WorldSkills Генераль Ассамблеясы утырышында ачыкланды. Татарстанның чираттагы уңышы уңаеннан ТР Премьер-министры урынбасары – мәгариф һәм фән министры Энгель Фәттахов журналистларга шәрехләмә биреп, бу вакыйганың безнең өчен шатлыклы һәм әһәмиятле булуын ассызыклады.

Түбән Кама укучылары Төмәндә яшь геологларның Х бөтенроссия кыр олимпиадасында җиңү яулады

Түбән Кама укучылары яшь геологларның Төмәндә уздырылган Х бөтенроссия кыр олимпиадасында җиңү яулады, диелә ТРның Түбән Кама муниципаль районы рәсми сайтында.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ