ЯҢАЛЫКЛАР

“Китапка икенче тормыш бир” акциясе барышында шәһәрнең 8 нче урта мәктәбе китапханәсе 190 данә матур әдәбият китабы белән тулыланган. Әлеге бүләкне мәктәпнең башлангыч сыйныф укытучысы Татьяна Филлипова үзенең шәхси китапханәсеннән ясаган.

Россия төбәкләреннән, якын һәм ерак чит илләрдән килгән татар теле һәм әдәбияты укытучылары бүген, Саба муниципаль районы белем бирү учреждениеләре белән таныша. Билгеле булганча, алар Казанга кичә ачылган Татар теле һәм әдәбияты укытучылары, татар телендә белем бирә һәм татар теле предмет буларак укытыла торган мәгариф оешмалары хезмәткәрләренең VI бөтенроссия корылтаенда катнашу өчен килде.

2014 елның 11-14 августында Алабуга шәһәрендә Казан федераль университетының Алабуга институты базасында Татарстан Республикасы мәгариф һәм фән хезмәткәрләренең август киңәшмәсе кысаларында V Халыкара Мәктәп укытучылары фестивале узачак. Фестиваль ачылу тантанасында Татарстан Республикасы Премьер-министры урынбасары – мәгариф һәм фән министры Энгель Фәттахов, Казан федераль университеты ректоры Илшат Гафуров, РФ Президентының Идел буе федераль округындагы вәкаләтле вәкиле Михаил Бабич һ.б. катнашачак.

Ютазы мәктәбе директоры Әнис Ямалетдинов Татарстан Республикасы Хөкүмәтенең “Алгарыш” грантына ия булды.
Август башында Сингапурда бер атналык стажировка узган Татарстанның унтугыз директоры арасында Әнис Әнвәр улы да бар иде.

Россия Федерациясе мәгариф министрлыгында электрон дәреслекләргә таләпләр турында сөйләшү булды. Татарстан Республикасыннан киңәшмәдә ТР мәгълүмати технологияләр үзәге башкаручы директоры Татьяна Камалетдинова һәм “Татармультфильм” нәшрияте генераль директоры Марат Ганиев катнашты.

Әлки районының Хлебодаровка, Түбән Әлки, Иске Матак, Чуаш Кичүе һәм Чуаш Борнае урта мәктәпләре укучылары кәгазь тапшырып, 60 мең сум акча акча эшләгән. Ел башыннан бирле исә, мәктәпләр барысы 30 тонна макулатура тапшырган. Тагын 10 тонна кәгазь чимал кабул итүчеләргә озатырга әзерләнгән.

Соңгы елларда милли мәгариф юнәлешендә шактый эш башкарылды, әмма проблемалар да юк түгел. Безнең бүгенге съездның максаты – милли мәгарифнең бүгенге торышына бәя бирү һәм үсеш перспективаларын билгеләү. Бүген ТР Премьер-министры урынбасары – мәгариф һәм фән министры Энгель Фәттахов, Татар теле һәм әдәбияты укытучылары, татар телендә белем бирә һәм татар теле предмет буларак укытыла торган мәгариф оешмалары хезмәткәрләренең VI бөтенроссия корылтаенда ясаган чыгышында шулай дип белдерде. Корылтайның ачылышында ТР Дәүләт Советы Рәисе Фәрит Мөхәммәтшин катнашты

Иннополис университеты заманча мәгълүмати технологияләрне өйрәнү буенча бакалавр программасы курсларыннан теләсә кайсына ирекле тыңлаучылар җыюны игълан итә. Тыңлаучылар өстәмә IT-белемгә ия булачак.

Татарстанда быелның 22 октябренә кадәр дәвам итәчәк “Китапларга икенче гомер бүләк ит” хәйрия акциясендә кайбычлылар быел да актив катнашыр дип көтәләр. Былтыр исә, мәктәпләргә 1068 данә матур әдәбият, 120 дәреслек бүләк ителгән.

Яңа-Савин районының 165 нче мәктәбе территориясендә чираттагы күпфункцияле спорт мәйданы ачылышы тантанасы узды. Теләгән һәркем физик тәрбия белән шөгыльләнә алырлык универсиаль спорт мәйданы бүген шулай ук Идел буе районының 129 нчы мәктәбе территориясендә дә ачылды.