ЯҢАЛЫКЛАР

Бүген ТР Фәннәр академиясендә Россия фәне көненә багышланган тантаналы җыелыш узды. Чарада ТР Дәүләт Советы Рәисе, сәясәт фәннәре докторы Фәрит Мөхәммәтшин, ТР Премьер-министры урынбасары – ТР мәгариф һәм фән министры Энгель Фәттахов, ТР Фәннәр академиясе президенты Әхмәт Мазһаров, Казан (Идел буе) федераль унивеситеты ректоры Илшат Гафуров, академиклар һәм яшь галимнәр катнашты.

2014 нче елның 6 нчы февралендә Мәгарифне үстерү институтында Татарстан Республикасының Мәгариф һәм фән министрлыгы, “Мәгариф хезмәткәрләренең квалификациясен күтәрү һәм һөнәри белем бирү академиясе” (Мәскәү) белән берлектә республика күләмендә “Һөнәри осталык бәйгеләрен оештыру” (“Россиянең ел укытучысы” бәйгесе мисалында) дип аталган фәнни-методик семинар узды.

2014 нче елның 5 нче февралендә Татарстан Республикасы Мәгарифне үстерү институтында мәктәпкәчә тәрбия системасы хезмәткәрләре өчен “Федераль дәүләт мәгариф стандартын гамәлгә кертү шартларында мәктәпкәчә яшьтәге балаларның сәнгати-эстетик үсеше” дип аталган республика күләмендә гамәли семинар узды.

14 февральдән 17 февральгә кадәр Баулы районының «Универсал спорт залы» спорт комплексында 2013/2014 уку елы сезонының Республика гомумибелем бирү оешмалары командалары арасында «КЭС-БАСКЕТ» мәктәп баскетбол лигамы Чемпионаты үтәчәк.

2014 енче елның 7нче февралендә Татарстан Республикасы гадәттән тыш хәлләр министрлыгында “Бозда мин сак булырмын” исеме астындагы балалар рәсем конкурсаның йомгаклау hәм бүләкләү этабы оештырылды. Республика күләмендә җыелган балалар яз җиткәч боз котламы юка hәм куркыныч булу чорында аеруча сак булырга кирәк икәненә тагын бер кат төшенделәр.

28 гыйнвардан 31 гыйнварга кадәр Республиканың Н.Ә. Гәлләмов исемендәге махсус гомуми урта белем бирү мәктәбенең бер төркем хезмәткәрләре Шексна махсус гомуми урта белем бирү мәктәбендә “Девиант тәртипле яшүсмерләрне тормышка яраклаштыру юллары, заманча реабилитацион технологияләр һәм чыганаклар” дигән темага стажировка үттеләр.

Россия Федерациясенең 16 субъекты белән беррәттән 2013 елның августында Татарстан Республикасы Россия Федерациясе Мәгариф һәм фән министрлыгының Россия Федерациясе Мәдәният министрлыгы белән берлектә уздыра торган “Музыка” укыту предметы программасын апробацияләү проектында катнашучылар исемлегенә кертелде. Татарстан Республикасы Мәгарифне үстерү институты эксперименталь программаны апробацияләүдә региональ оператор булып тора.

5 февральдә Яңа Савин районының 89 мәктәбендә “Яшь янгын сүндерүчеләр” балалар хәрәкәтенең II Республика җыелышы булып узды. Республиканың Н.Ә. Гәлләмов исемендәге махсус гомуми урта белем бирү мәктәбенең “Алмаш” яшь янгын сүндерүчеләр дружинасын директор Кладов Д.Ю., тормыш иминлеге нигезләре укытучысы, педагог-оештыручысы Бочаров Ю.А. һәм 10 сыйныф укучысы Кузьмин Ленар тәкъдим иттеләр.

30 нчы гыйнварда Н.Ә. Гәлләмов исемендәге республиканың махсус гомуми урта белем бирү мәктәбенең “Өмет” хоккей командасы А.В. Тарасов исемендәге Бөтенрәсәй яшь хоккеистлары ярышларында катнашучыларны бүләкләү тантанасында катнаштылар.