ЯҢАЛЫКЛАР

Агымдагы елда Татарстанның иң яхшы укучысы Казанның Совет районы аерым фәннәрне тирәнтен өйрәнү буенча 141 нче урта мәктәбендә белем ала. Бүген аның исеме Казан Кремлендә ТР Президенты Рөстәм Миңнеханов катнашында узган бөтенроссия олимпиадаларының йомгаклау этабы җиңүчеләре һәм призерларын бүләкләү тантанасында игълан ителде.

Бүген КФУ «Телевидение» яңа әзерлек юнәлеше буенча лицензия алды, дип хәбәр итә КФУның Югары журналистика һәм медиакоммуникацияләр мәктәбе.

25-нче май көнне Казанның Үзәк балалар китапханәсендә “Мәктәп укучысының мәдәни көндәлеге” дигән республика күләмендәге мәдәни-белем бирү проекты кысаларында бәйгенең шәһәр этабында җиңүчеләрне бүләкләячәкләр.
 

«Мәгариф» журналы коллективы баш мөхәррир Илдар Флүс улы Миргалимов җитәкчелегендә 20 май көнне ТР мәгариф һәм фән министры урынбасары Илдар Мөхәммәтов, ТР Мәгарифне үстерү институты ректоры Рина Бәдриева, министрлык хезмәткәрләр һәм институт белгечләре белән очрашты. Эшлекле сөйләшү нигездә «Мәгариф» журналының эчтәлеген көн таләпләренә китереп формалаштыру, аны республиканың карап торган мәгълүмат чарасына әйләндерү турында барды.

Бу минутларда Казан Кремлендә Татарстан Республикасы Президенты Рөстәм Миңнеханов укучыларның бөтенроссия олимпиадаларының йомгаклау этабы җиңүчеләре һәм призерларын бүләкли.