ЯҢАЛЫКЛАР
Анжела Вавилова исемендәге фонд Казан хосписында тәрбияләнүчеләргә ярдәм йөзеннән өченче ел инде хәйрия акциясе үткәрә. “Беренче сентябрь флешмобы”ның асылы гади: бер сыйныфтан бер гомуми чәчәк бәйләмен сатып алу, ә Белем көне уңаеннан калган чәчәк бәясенә тигез күләмдә акча күчерү, шул рәвешле авыручы балаларга ярдәм итү.
Казан укучыларын экологик экскурсияләргә чакыралар. Балаларны калдыкларны сортларга аерырга, ресурсларны экономияләргә һәм әйләнә-тирә мохит турында кайгыртырга өйрәтәчәкләр.
Түбән Камада Татарстан кадетлар корпусының Попечительләр советы яңа уку елында беренче утырышын уздырды. Мөһим темалар турында ТР хәрби комиссары Сергей Погодин, Түбән Кама мэры Айдар Метшин, ТР Мәгариф һәм фән министрлыгы, шәһәр һәм район ветераннар советы, хәрби комиссариат, ТР ДОСААФ вәкилләре фикер алыштылар.
14 сентябрьдә Җиңү паркында ел саен үткәрелә торган «Балалар – безнең киләчәк» бөтенроссия бәйрәме узачак.
Казан (Идел буе) федераль университетының Филология һәм мәдәниятара багланышлар институты татар теленең түләүсез курсларында катнашу өчен гаризалар кабул итә. Бу хакта КФУ матбугат хезмәте хәбәр итә.
Уку елы башлану - мәктәп укучылары, аларның әти-әниләре һәм педагоглар тормышында иң дулкынландыргыч вакыт. Аларны яңа уку елында нинди үзгәрешләр көтә, ул нәрсә белән гаҗәпләндерәчәк һәм сөендерәчәк – бу хакта “Россия мәгарифе " порталының сентябрь басмасында укыгыз.
Кичә Казан технология һәм дизайн көллиятендә «Абилимпикс» инвалидлыгы булган кешеләр арасында һөнәри осталык буенча «студентлар» категориясендә «тегүче» компетенциясе буенча V Милли чемпионатның республика этабы узды.
Бүген Татарстанда ике яңа балалар бакчасы ачылачак. Әйтик, Азнакай шәһәрендә тантана «Демография» илкүләм проекты кысаларында төзелгән һәм 220 урынга исәпләнгән 21-нче номерлы «Сандугач» мәктәпкәчә белем бирү учреждениесендә узачак. Яңа объектның гомуми мәйданы 3372,96 кв.метр тәшкил итә. Бинаның беренче катында алты ясле төркеме, азык-төлек блогы, кер юу бүлмәсе, логопед һәм табиб кабинетлары урнашкан. Икенче катта алты төркем, сенсор бүлмәсе, физкультура һәм музыка заллары, татар теле кабинеты урнашкан.
27-29 сентябрь көннәрендә Татарстанда «Казан Экспо» МКҮ базасында ИТ-белгечләр, дизайнерлар һәм мәгълүмати технологияләр өлкәсендәге проектлар җитәкчеләре – «Цифрлы алга китеш» бөтенроссия конкурсының финалы узачак. Финал 600дән дә ким булмаган команда - төбәк хакатоннары җиңүчеләре катнашында 48 сәгать дәвамында хакатон форматында үткәрелә.
10 сентябрьдә Оренбург Президент кадетлар училищесы плацында «Идел буе аҗаганы-2019» хәрби – спорт уенының VII округ финалын ачу тантанасы узды. 10 - 14 сентябрьдә «Самородово» спорт-сәламәтләндерү лагере базасында узачак финал ярышларында катнашу өчен, Идел буе федераль округының 14 командасы составында 200 яшь армияче килде.