Министрлык
Максатлар һәм бурычлар
Министрлык җитәкчелеге
Министрлык структурасы
Мәгариф өлкәсендә күзәтчелек һәм контроль департаменты
Иҗтимагый совет
Мәгариф өлкәсе эш юнәлешләре
Татарстан Республикасы мәгариф һәм фән министрлыгының тарихы
Максат һәм бурычларны гаммәви формалаштыру
Күрсәтелгән хезмәтләргә бәйсез бәя бирү
ЯҢАЛЫКЛАР
14
май, 2015 ел
пәнҗешәмбе
2015 елның 12-13 маенда Сарман авыл хуҗалыгы көллиятендә “Һөнәре буенча иң яхшы – 2015” исеменә көллият һәм техникум студентларының Республикакүләм олимпиадасы узды. Ул авыл хуҗалыгы тракторчы-машинисты белгечлеген үзләштерүчеләр арасында оештырылды. Анда Татарстанның 25 һөнәри белем бирү йортыннан студентлар көч сынашты.
2015 елның 14 маенда Әгерҗе шәһәрендә узган Татарстан Республикасы Мәгариф һәм фән министрлыгы коллегиясе кысаларында Татарстан Республикасында җитештерелгән мәктәп формаларын тәкъдим итү күргәзмәсе узды. Чарада Татарстан Республикасы Премьер-министры урынбасары - мәгариф һәм фән министры Энгель Фәттахов катнашты.
14-17 май көннәрендә Түбән Кама муниципаль районында мәктәп укучыларының Бөтенроссия «Президент спорт уеннары»ның региональ финалы үтәчәк.
Бүген Казандагы “Идея” технопаркында “Татарстан эрудиты-2015” VII республика конкурсы җиңүчеләрен бүләкләделәр. Конкурсның төп координаторы, Н.И.Лобачевский исемендәге академик лицей директоры Татьяна Беспалова бәйгенең әһәмиятен ассызыклап, хәзерге заманның теге яки бу өлкәдә яхшы белгечләр генә түгел, төрле фәнни юнәлешләр чигендә эшләргә сәләтле шәхесләр әзерләү таләбен куюына игътибар юнәлтте.
13
май, 2015 ел
чәршәмбе
2015 елның 1-нче апреленнән 30-нчы апреленә кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 24 мөрәҗәгать кабул ителде, шул исәптән 2 мөрәҗәгать ришвәтчелек очраклары турында (алар түбәндә таблица формасында күрсәтелгән). 1 мөрәҗәгать буенча фактлар тулысынча расланды.
12
май, 2015 ел
сишәмбе
2015 елның 12 маенда Казан шәһәренең Мәгариф хезмәткәрләре йортында Татарстан Республикасы Премьер-министры урынбасары - мәгариф һәм фән министры Энгель Фәттахов Татарстан Республикасы белем бирү оешмалары җитәкчеләре белән очрашты. Очрашу мәктәп директорларының "Заманча мәгариф менеджменты" дип аталган квалификация арттыру курслары кысаларында узды.
Бөек Ватан сугышында Җиңүнең 70 еллыгын бәйрәм итү кысаларында 9 май көнне Казан шәһәренең Җиңү Паркы аллеясында “Үлемсез полк” халыкара акциясе узды. Акциянең асылы шунда ки, укучылар һәм студентлар кулларына ветераннар, тыл хезмәтчәннәре, концлагерь тоткыннарының фотоларын тотып, бер рәткә тезелеп басырга тиеш. Һәр сурәт астында герой турында мәгълүмат язылган була. Шул рәвешле, яшьләр бабаларының батырлыгы бүгенгәчә онытылмавын күрсәтә. Татарстан Республикасы буенча әлеге акциядә 34 659 укучы катнашты, шул исәптән 1171 сурәт белән урта һөнәри белем бирү оешмалары студентлары чыкты.
Бүген Татарстан мәктәпләренең 9нчы сыйныф укучылары татар теле буенча Бердәм республика тесты тапшыра. Тест үткәрүнең 133 пункты урта гомуми белем бирү йортлары базасында эшли. Татар теле буенча республика тестының контроль бәяләү материаллары татар телен туган тел һәм дәүләт теле буларак өйрәнгән 9нчы сыйныфны тәмамлаучылар өчен әзерләнгән. Тестны башкаруга 2,5 сәгать (150 мин.) вакыт бирелә.
Быел җәйге каникуллар чорында балаларның лагерьлардагы ялында яңа юнәлеш буларак робототехника буенча республика профильле сменасы оешачак. Бу хакта бүген ТР Министрлар кабинетында узган брифингта ТР мәгариф һәм фән министры урынбасары Лариса Сулима хәбәр итте.
2015 елның 9 маенда Чистай муниципаль районы мәктәпләре укучылар беренче тапкыр "Үлемсез полк" халыкара акциясендә катнашты. Бөек Ватан . сугышы ветераннарының оныклары һәм оныкчыклары горур тезелеп туганнарының фотоларын алып барды.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз