ЯҢАЛЫКЛАР

2009 нчы елдан бирле һәр елны 17 нче май көнне Россия Федерациясе катнашында балаларның ышаныч телефонының Халыкара көне бәйрәм ителә.

2015 елның 16 маенда Нурлат балалар йортында хәйрия концерты булып узды. Бу концертта “Җырлы-моңлы балачак” исемле республика күләмендә узган конкурсның яшь талантлары һәм балаларның остазлары Римма Ибрагимова һәм Мингол Галиев та чыгыш ясады.

1 июньдә Казандагы “Идея” технопаркында V Республика робот техникасы фестивале уздырыла. Анда Татарстан мәктәпләреннән 20дән артык команда катнашуы көтелә.
Фестиваль – яшь буынның югары технологияләр өлкәсенә карата кызыксынуын арттыруга юнәлтелгән интерактив программа. Чара 2011 елдан бирле “Идея” технопаркы тарафыннан оештырыла. 4 елда фестивальдә 300ләп укучы көч сынашкан.

Азнакай лагерьларында 2 мең 784 бала җәйге каникулларын файдалы һәм кызыклы итеп үткәрер дип планлаштырыла. Палаткалы лагерьларда 60 бала өчен туризм һәм хәрби-патриотик сменалар оештырылачак.“Азнакай” санаториендә 375 бала сәламәтлеген ныгытыр дип көтелә. “Каенкай” лагере 840, “Бөркеткәй” лагере 320 бала өчен үз ишекләрен ачачак. “Кояшкай” ял лагерында исә 270 сәләтле һәм социаль актив баланы күңелле ял көтә. “Черноморец РЦ” оешмасы аша Кара диңгез буена 10 балага һәм 3 студентка путевка бирелә.

15 майда Нурлат балалар йортында “Балалар йолдызлыгы” конкурсы узды. Әлеге конкурста 9 балалар йорты чыгыш ясады: Әлмәт, Чистай, Лаеш, Нурлат, Алабуга, Яр Чаллы, Түбән Кама, Казаннын Идел Буе балалар йортлары һәм Казан шәһәренен 11 номерлы мәктәп-интернаты.

2015 елның 15 маенда Алабуга балалар йортында 9 муниципаль район арасында (Алабуга, Мамадыш, Менделеевск, Әгерҗе, Түбән Кама, Сарман, Актаныш, Минзәлә һәм Мөслем) зональ сайлап алу конкурсы булып узды.

Азнакай лагерьларында 2 мең 784 бала җәйге каникулларын файдалы һәм кызыклы итеп үткәрер дип планлаштырыла.

Чаллының IТ-паркында мәктәп укучылары арасында робот техникасы буенча бәйге үтте. Чемпионатта катнашу өчен 40лап коллектив теләк белдергән иде.
Анда Алабуга, Тукай, Нурлат, Мамадыш, Лениногорск, Зәй районнарыннан 130дан артык робот белән 300дән артык бала катнашты. Чемпионат – республика ярышларының шәһәр этабы.

Бүген Әгерҗедә ТР Мәгариф һәм фән министрлыгы коллегиясе үтте. Анда ТР Премьер-министры урынбасары – мәгариф һәм фән министры Энгель Фәттахов, ТРның муниципаль районнары мәгариф идарәләре җитәкчеләре, милли мәгариф һәм төбәкара хезмәттәшлек буенча методистлар катнашты.

15 майдан 25 майга кадәр Россия Федерациясендә “ГТО буенча бердәм декада” узачак. Татарстан Республикасы “Хезмәткә һәм Ватанны саклауга әзер” Бөтенроссия физкультура-спорт комплексын кертү буенча эксперименталь субъект булып тора.