ЯҢАЛЫКЛАР

Татарстанда грипп һәм кискен тын юллары вирус инфекциясе (ОРВИ) белән авыручылар санны арту сәбәпле, 9 мәктәп карантинга ябылган. Аларның 2се -Казанда, 6сы - Әлмәт районында һәм 1се - Минзәлә районында.

Республика мәгариф системасында барган үзгәрешләргә битараф булмаган тамашачыларның күп санлы сораулары буенча атна саен эфирга чыгучы “Белем дөньясы” мәгълүмати-аналитик тапшыруы хәзер һәр җомга саен 11.30 сәгатьтә ТНВ каналында кабатланып күрсәтелә.

Казан каласы мәгариф учреждениеләрендә эшләүче яшь ир-ат укытучылар арасында бүген сәгать көндезге 2дә “Мистер Х” шәһәр конкурсы уздырыла, ул Бауман урамы, 62/9 адресы буенча урнашкан Казан Мәгариф хезмәткәрләре йортында була. Әлеге конкурс, актив һәм сәләтле укытучыларны ачыклау, укытучы һөнәренә киң җәмәгатьчелекнең игътибарын юнәлтү, хөрмәт тәрбияләү максатыннан, үткәрелә.

РФ Юстиция министрлыгы 2015 елда БДИ тапшыру вакытын раслаган. Имтиханнарның төп дулкыны 25 майдан башлана. Бу көнне чыгарылыш сыйныф укучылары география һәм рус әдәбияты буенча бердәм дәүләт имтиханын тапшырачак.

Татарстанда 1-31 март көннәрендә русларда китап басу эшен башлап җибәрүче Иван Фёдоровка багышланган II республика олимпиадасы уздырылачак. Анда югары һәм урта махсус уку йортлары студентлары, мәктәп укучылары катнаша ала. Олимпиаданы ТР Мәгариф һәм фән министрлыгы, Казан (Идел буе) федераль университеты уздыра.

Татарстанда “Беренче сыйныф укучысының мәдәни көндәлеге” проекты кысаларында укытучылар өчен “Гаиләнең сугыш хатирәсе” конкурсы башлана. Конкурс Бөек Ватан сугышында Җиңүнең 70 еллыгына багышланган. Бу хакта бүген матбугат конференциясендә журналистларга «Татармультфильм» студиясе директоры Азат Ганиев һәм «Татармультфильм» баш режиссеры Сергей Киатров белдерде.

2015 елның 31 гыйнварыннан 8 февральгә кадәр Татарстан Республикасы урта һөнәри белем бирү оешмаларында укучыларның II Спартакиадасы кысаларында хоккей буенча зона ярышлары узды. Зона этабы ярышларында утыз алты һөнәри белем бирү оешмалары командалары составында алты йөзгә якын студент катнашты.

14 февраль көнне Россия чыгарылыш сыйныф укучылары беренче мәртәбә география һәм рус теле буенча вакыттыннан алда уздырыла торган БДИ тапшыра. Татарстанда география һәм рус теле буенча бердәм дәүләт имтиханын вакытыннан алда тапшырырга теләк белдереп гариза бирүчеләр юк.

Азнакайда хәрби-патриотик тәрбия ае бара. Шул уңайдан шактый чаралар оештырыла. Шуларның берсе – хәрби строй һәм җыр смотр-конкурсы. Ул шәһәр һәм район мәктәпләре командалары арасында 7 нче мәктәп базасында узды.

Мәгариф һәм фән өлкәсендә күзәтчелек буенча федераль хезмәт сәламәтлек буенча мөмкинлекләре чикле һәм дәвамлы дәваланудагы балалар өчен 2015 елда бердәм дәүләт имтиханнарын тапшыру өчен кирәк булган уңайлы шартлар тудыра.