Яр Чаллының тугыз мәктәбендә 2022 елда 143 млн сумга ашханәләрне ремонтлыйлар
Яр Чаллының тугыз мәктәбендә 2022 елда азык-төлек блогларын капиталь ремонтлау планлаштырыла. Бу максатларга барлыгы 143 млн сум акча кирәк булачак. Бу хакта аппарат киңәшмәсендә Башкарма комитет җитәкчесе Фәрит Сәлахов сөйләде.
Мәктәпләрдә ашханәләрне капиталь ремонтлау планлаштырыла: №6, №23, №40, №44, №45, №53, №58, №54 һәм №76 нчы гимназияләр.
Моннан тыш, «Яшьлек» торак комплексының 1501 урынга исәпләнгән мәктәп төзелеше башланган. Объектның бәясе 2 млрд 244 млн сум тәшкил итәчәк. Аны файдалануга тапшыру 2022 елның августына планлаштырылган.
Республика мәгариф министрлыгында мәгариф объектларын капиталь ремонтлау программасы килештерү стадиясендә, аның кысаларында ике балалар бакчасы һәм өч мәктәп яңарту планлаштырыла. Бу-70нче «Җиләк» һәм 71нче «Кораблик» балалар бакчалары, шулай ук 44нче, 52нче һәм Гали Акыш исемендәге 84нче лицей-интернат.
Психологик-педагогик ярдәм үзәкләре биналарын капиталь ремонтлау программасы буенча «Диалог» балаларга һәм яшьләргә психологик-педагогик ярдәм күрсәтү үзәген ремонтлау планлаштырыла. Бинаны яңартуга 14,2 млн. сум юнәлдереләчәк.