800дән артык вуз һәм филиал "Вузга онлайн керү" сервисыннан файдаланачак
Вице-премьер Дмитрий Чернышенко фән һәм югары белем министры Валерий Фальков, Мәгариф министрлыгы, Финанс министрлыгы, Мәгариф һәм фән өлкәсендә күзәтчелек федераль хезмәте һәм башка министрлыклар һәм ведомстволар вәкилләре катнашында "Вузга онлайн керү" суперсервисы эше буенча киңәшмә үткәрде.
2021 елда Россиянең 537 югары уку йорты суперсервис мәйданчыгында кабул итү кампаниясен үткәргән - бу күрсәткеч узган уку елы белән чагыштырганда 10 тапкырга арткан.
- Быел 800дән артык дәүләт вузында һәм аларның филиалларында абитуриентларны кабул итү өчен суперсервис куллану планлаштырыла, - дип белдерде Дмитрий Чернышенко. - Уку йортлары саны тагын да артачак, суперсервисның югары сыйфатын тәэмин итәргә кирәк. Абитуриентларга әлеге программа уңайлы һәм аңлаешлы булырга тиеш.
Вице-премьер мәгариф һәм фән министрлыгына кабул итү кампаниясе башланыр алдыннан (2022 елның маеннан да соңга калмыйча) суперсервисны сынап карарга, вузларга эшне оештыру буенча техник таләпләр җибәрергә һәм алар белән даими хезмәттәшлек итәргә кушты.