Татарстан мәктәпләре «Җиңү музее» бөтенроссия программасына кушылырга мөмкин
Татарстан мәктәп музейлары «Мәктәп Җиңү музее» озак сроклы Бөтенроссия проектында катнаша һәм экспозицияләр булдыру буенча бер-берсе белән тәҗрибә уртаклаша ала. Җиңү музее республика оешмасы хезмәттәшлегенә чакыра.
Катнашучылар яңа партнерлар таба, мәгълүмати ярдәм ала һәм Бөтенроссия масштабындагы патриотик чаралар үткәрә ала.
Проектта катнашу өчен schoolvictorymuseum.ru сайтында гариза калдырырга кирәк, аңа мәктәп музее эшли торган теләсә кайсы белем бирү оешмасы кушыла ала.
Документлар кабул ителгәннән соң, катнашучы җиңү музееның партнеры дип таныла, шулай ук илнең иң яхшы мәктәп музейлары исемлегендә урын өчен көрәшәчәк. Гаризалар экспертлар тарафыннан 21-22 февральдә каралачак.
Җиңү музеенда, хәбәр итүләренчә, проектка Россия мәгариф учреждениеләренең 1142 музее кушылган. Татарстаннан 28 гариза килгән.