«Артек» та яшь журналистлар заманча медиапрофессияләр нечкәлекләренә өйрәнә
Россия Мәгариф һәм фән министрлыгының «Артек» Халыкара балалар үзәге укучыларга үзләрен заманча медиапрофессияләрдә – теле - һәм басма журналистикадан алып блогингка кадәр сынап карарга мөмкинлек бирә. Медиапрограммалар Россиянең төрле төбәкләреннән 3000гә якын баланы үз эченә алыр дип көтелә.
2022 елда «Артек» та медиапрофиль үз белем бирү программалары һәм тематик партнерлар белән хезмәттәшлек кысаларында үсәчәк.
«Артек Медиа» профильле медиаотрядлары эшен дәвам итәчәк. «Артек» балалар медиаүзәге 2014 елдан бирле эшли. Анда балалар үзләрен төрле медиа юнәлешләрдә сынап карый алалар: яңалыклар роликлары, телетапшырулар төшерәләр, кинолар, радиоэфирлар, мультфильмнар ясыйлар, басма продукцияне чыгаруга әзерлиләр, социаль челтәрләрдә эшлиләр. Бу 21 көн эчендә медиа киңлектә ориентлашырга уникаль мөмкинлек.
Шулай ук «Мәгариф блогы мәктәбе» дә үсәчәк. Яңа программа «Артек» та 2021 елда старт алды. Укучылар блог форматлары белән танышалар, актуаль социаль челтәрләрдә публикацияләр үзенчәлекләре белән танышалар, белем бирү контенты идеяләрен уйлап табарга һәм тормышка ашырырга, шулай ук контент-план булдырырга өйрәнәләр.