Казанның ике лицеисты информатика буенча Бөтенроссия мәктәп укучылары олимпиадасының региональ этабында абсолют җиңүче булды
15 гыйнвардан 18 гыйнварга кадәр СУНЦ – «КФУның ІТ-лицее» гомуми белем бирү интернат-мәктәбендә Республика олимпиада үзәге Татарстанның 7-11 сыйныф укучылары арасында информатика буенча Бөтенроссия олимпиадасының региональ һәм йомгаклау этабын үткәрде.
Ярышларда республиканың 11 районыннан муниципаль этапта тиешле күләмдә балл җыйган укучылар, шулай ук узган елгы Олимпиаданың региональ һәм йомгаклау этабында җиңүчеләр һәм призерлар катнашты.
Информатика буенча Олимпиада 2 турда узды. Беренче һәм икенче турларда балалар шактый катлаулы мәсьәләләрне хәл итүдә үз белемнәрен күрсәттеләр.
КФУның Н.И.Лобачевский исемендәге лицей укучысы Сергей Дьяконов информатика буенча республика олимпиадасының йомгаклау этабында җиңүче булды.
Казан һәм Югары Ослан районыннан 23 укучы призер булды.
Информатика буенча Бөтенроссия мәктәп укучылары олимпиадасының региональ этабында Казан һәм Югары Ослан районыннан 9-11 сыйныфларда белем алучы 24 укучы җиңүче булды.
Татарстанның 5 районыннан 50 укучы призер булды.
Шунысын да билгеләп үтәргә кирәк, КФУның Н.И. Лобачевский исемендәге лицейның ике вәкиле – Ренат Кәримов һәм Валерий Родионов төбәк этабында абсолют җиңүче булдылар һәм мөмкин булган барлык баллардан максималь балл җыйдылар.
2021-2022 уку елында информатика буенча мәктәп укучыларының бөтенроссия олимпиадасының йомгаклау этабы Сочида «Сириус» үзәгендә узачак. Катнашучыларга уңышлар телибез!