Татарстанда PROинтерес һөнәр сайлау буенча онлайн-фестиваль башланды
PROинтерес фестивале 1 марттан 15 апрельгә кадәр Round кушымтасы мәйданчыгында узачак. Анда 10 яшьтән 21 яшькә кадәрге яшүсмерләр һәм яшьләр катнаша ала. Фестивальне ТР Хөкүмәте һәм яңа кадрлар җәлеп итү белән кызыксынган Татарстанның 14 эре компаниясе хуплады. Алар арасында – генераль партнерлар: «ТрансТехсервис», «Нәфис Косметикс» һәм «Татхимфармпрепаратлар». Пилот проекты Яшел Үзән районында уңышлы сынап каралды һәм гамәлгә ашырылды.
Россиядә – кадрлар кытлыгы шактый сизелә. Кадрлар проблемасы мәктәп укучыларыннан башлана - 70% бала алга таба тормышта нәрсә белән шөгыльләнергә теләүләрен белми. Һөнәр сайлаучы яшүсмерләргә һәм яшьләргә ярдәм көчле якларның һәм тирән мәнфәгатьләрнең үсешенә, максатлар куелышына ярдәм итә. Дәүләт һәм компанияләр алдында торган төп бурычларның берсе - яшүсмерләргә теориядән практикага мөмкин кадәр иртәрәк чыгарга һәм үз көчләрен реаль кейсларда сынап карарга ярдәм итү. Әлеге проблема PROинтерес фестивален булдыруга этәргеч булды.
Фестиваль кысаларында март аенда онлайн-мастер-класслар һәм интеллектуаль уеннар сериясе узачак. Фестивальнең төп өлеше исә тулысынча онлайн узачак, анда компьютердан яки смартфоннан катнашырга мөмкин булачак. Механика гади: челленджны сайлыйсың, инструкцияне карыйсың һәм проектны бастырасың, шуннан соң кулланучылар автомат рәвештә уйнатуда катнаша. Ярышлар биремнәрне үтәүдә активлык өчен дә, челлендж башкаручылар арасында очраклы рәвештә дә узачак.
PROинтерес кысаларында иҗади, технологик һәм табигый-фәнни конкурслар узачак. Фестиваль җиңүчеләрен партнер компанияләр экспертлары билгеләячәк. Шулай ук уку йортлары өчен махсус номинация дә бар: медиаконтент ясау өчен җиһазлар комплекты фестивальдә катнашучыларның иң күп саны булган мәктәпкә (укучылар санына пропорциональ) бирелә. Нәтиҗәләр «Мәгариф. Карьера-2022» күргәзмәсе вакытында билгеле булачак.
Фестиваль яшүсмерләргә киләчәктә һөнәр сайлауда ярдәм итәчәк, яшь актив балалар берләшмәсен булдырачак. Барлык катнашучылар да яңа белем алачаклар һәм Татарстанның эре предприятиеләре эшчәнлеге турында беләчәкләр һәм киләчәктә анда эшкә урнаша алачаклар.