Кукмара егетләре «КЭС-БАСКЕТ» мәктәп баскетбол лигасының Идел буе федераль округы чемпионаты финалын отты

2022 елның 22 марты, сишәмбе

Кукмара районы егетләре командасы Ижевск шәһәрендә “КЭС-БАСКЕТ” мәктәп баскетбол лигасы Идел буе федераль округы чемпионатының финалында җиңүче булды һәм “КЭС-БАСКЕТ” мәктәп баскетбол лигасының суперфиналына юллама яулады.

2022 елның 20 мартында яшүсмерләр командалары арасында алтын бүләкләр өчен Оренбург шәһәренең Көньяк округыннан (Оренбург өлкәсе) һәм Кукмара районыннан (Татарстан Республикасы) баскетболчылар көрәште. 

Очрашу исәбе - 56:47, Татарстан командасы җиңү яулады.

MVP - Илфар Садуртинов (Кукмараның А. М. Булатов исемендәге күппрофильле лицее). 15 очко, 13 сайлап алу, 6 тапшыру.

«КЭС-БАСКЕТ» мәктәп баскетбол лигасы чемпионатының суперфиналы 2022 елның 2-10 апрелендә Түбән Новгород шәһәрендә узачак. Егетләребезгә уңышлар телибез!