Казан егете астрономиядә ачыш ясады

Казан (Идел буе) федераль университеты базасында эш¬ләүче кече университетның астрономия бүлеге студенты Илһам Галиуллин үзгәрешле яңа йолдыз ачкан. Әлеге ачышын ул үзенең командасы бе¬лән күптән түгел АКШта узган халыкара фәнни-технологик бәйгедә тәкъдим итте.
Бәйгедә барлыгы 70 илдән 1500дән артык укучы катнашты. “Физика һәм астрономия” дип исемләнгән секциядә чыгыш ясаган якташыбыз махсус диплом белән дә бүләкләнде. “Без анда биш көн дәвамында булдык. Минем өчен иң авыры проектларны яклау көне булды. Чөнки жюри арасында ил кү¬ләмендә танылган шәхесләр күп иде. Без алар белән инглиз телендә аралаштык. Шулай ук Нобель премиясе лауреатлары безгә үзләренең уңышларга ирешү юллары турында сөйлә¬деләр”, – ди Илһам.

Астрономия белән ул 7 сыйныфта кызыксына башлый. Ул ас¬трономия буенча илкүләм олим¬пиаданың абсолют җиңүчесе дип табылган. Яраткан фәне белән тирәнтен шөгыльләнү өчен дүрт ел элек кече университетның астрономик төркеменә укырга килә. Биредә ул теория белән генә мавыкмый, шулай ук махсус фототәлинкәләр аша йолдызның ялтыравыгын билгели башлый. Илһамның фән-ни җитәкчеләре¬нең берсе Георгий Жуков әй¬түенчә, бу эшне күп кеше ахырга кадәр алып бара алмый, чөнки ул бик кыен. Илһам аны уңышлы башкарып, Кырым обсерва¬то¬рия¬сендә ясалган фотоларны мах¬сус методика буенча өйрә¬нүгә ке¬решә. Нәкъ менә шул вакытта ул үзгәрешле йолдыз ача да инде. Бүген аның фәнни хез¬мәтләре “Үзгәрешле йолдызлар” исемле журналда басылган һәм АКШның үзгәрешле йолдызларны күзәтү¬челәр берләшмәсенең каталогында урын алган.

Быел башкаланың 139 нчы гимназиясен тәмамлаган егеткә ачышы өчен Россия-нең теләсә кайсы университетын¬да укуын дәвам итү мөмкинлеге бирелде. Аны Американың Даллас шәһә¬рендәге уку йортына чакырдылар. Әмма егет патриот булып чыкты. “КФУның астрономия һәм галәм геодезиясе кафедра¬сының дипломын алырга хыялланам”, – ди ул.