«Җиңү ясыйбыз» акциясенә эшләр кабул итү башланды
Россия Федерациясенең барлык төбәкләрендә һәм БДБ илләрендә «Җиңү ясыйбыз» патриотик акциясенең унынчы сезоны старт алды, ул ел саен «Бердәм Россия» партиясенең «Яңа мәктәп» федераль белем бирү проекты кысаларында Россия Мәгариф министрлыгы ярдәмендә гамәлгә ашырыла.
Конкурска 1 майга кадәр балалар иҗади эшләре кабул ителә: сугыш елларында туганнарның һәм якыннарның тормышы һәм язмышы турында сөйли торган рәсемнәр һәм кыска эсселар. Агымдагы елның үзенчәлеге - мәгариф, мәдәният һәм яшьләр сәясәте учреждениеләре хезмәткәрләре өчен яңа «Методическая разработка» номинациясе барлыкка килү. Иң яхшы автор методик эшләнмәләре йомгаклау җыентыгында чыгарылачак.
Эшләр акциянең рәсми сайтында кабул ителә. Шунда ук катнашучылар өчен кирәкле барлык мәгълүмат материаллары урнаштырылган.
Нәтиҗәләр Җиңү көнендә, 2022 елның 9 маенда ясалачак.
2021 елда «Җиңү ясыйбыз» акциясе Бөек Ватан сугышында Җиңүгә багышланган иң масштаблы балалар-яшүсмерләр проектларының берсе булды. Анда 500 меңнән артык рәсем җыелды.