Татарстан укучылары - финанс белеме буенча олимпиадада актив катнашучылар
Бөтен Россиядән 1 миллионнан артык укучы үз белемнәрен финанс белеме һәм эшкуарлык буенча finance.uchi.ru сайтында уза торган бушлай онлайн-олимпиадада тикшерде. Биремнәрне үтәү вакытында укучылар экология өчен зарарсыз аңлы куллану, шәхси финанс максатлары кую, мошенниклык гамәлләрен билгеләү ысуллары кебек темалар белән танышалар.
Интеллектуаль ярышта иң зур кызыксынуны Татарстан Республикасы, Дагыстан Республикасы, Мәскәү, Ростов һәм Чиләбе өлкәләре укучылары күрсәтте.
Олимпиада 31 мартка кадәр дәвам итәчәк, 1-9 класс укучылары үз көчләрен сынарга мөмкин. Олимпиадада катнашу өчен финанс өлкәсендә бернинди махсус белемнәр таләп ителми - ул укучыларны тема белән таныштыру һәм алга таба мөстәкыйль өйрәнү өчен кызыксындыру өчен эшләнгән. Олимпиада тәмамланганнан соң укучылар, шулай ук аларның укытучылары үз портфолиосын бүләкләү грамоталары һәм сертификатлар белән тулыландыра алачак.