"КАМАЗ" ярдәме белән инженер фестивале узды
Фестиваль кысаларында «КАМАЗ» ның ремонт-инструменталь заводы вәкилләре балаларга булачак автомобильнең модельләрен ничек булдырырга һәм аларны ничек сынап карарга кирәклеге турында сөйләделәр һәм күрсәттеләр, ә двигательләр заводы хезмәткәрләре тиз җыю серләре белән уртаклаштылар. Кою заводы хезмәткәрләре чын эретү һәм кою процессын күрсәтте. Эшнең нәтиҗәләре декоратив шәмнәр булды. Экспериментта катнашучылар аларны бүләккә алды.
Күп кенә студентлар бу көнне беренче тапкыр укучыларга инженерлык процессларының асылын аңлатты. Аларның берсе-Кристина Крапивина 3D-принтер эшен шәрехләде, ул үзе төзегән программа буенча уку йортының фирма канатлары белән логотибын бастырды. Монда ук аудиториядә WorldSkills региональ этабы призеры Алексей Трегубов белән «Әйберләр Интернеты» компетенциясендә дә танышырга мөмкин иде. Ул фестивальдә катнашучылар өчен мастер-класс үткәрде. Үз чиратында «КАМАЗ» Корпоратив университеты белгечләре брейн-ринг әзерләделәр. Автогигант белән якыннанрак танышырга теләүчеләр күп булды, һәм күбесе эре автомобиль төзелеше компаниясе турында кызыклы сорауларга дөрес җавап бирде.
«Инженерлык классларында 15 вакантлы урынга конкурс игълан иткәч, аларга башка мәктәпләрдән йөзгә якын бала дәгъва итте. Инженерлык юнәлеше бик кирәкле булды, – дип сөйләде 30 нчы мәктәп директоры Алена Кәримова. – Узган ел КНИТУ-КАИның Чаллы филиалына безнең алты чыгарылыш сыйныф укучысы килде, ә быел исә үз көчләрен инде 10 укучы сынап карарга планлаштыралар».