"Сириус"та геометрия һәм физика буенча курслар ачылды
8-9 сыйныф укучыларын "Сириус" үзәгенең геометрия һәм физика буенча онлайн-курсларын тыңларга чакыралар. Теркәлү 2022 елның 15 июненә кадәр ачык, анда 15 июльгә кадәр укырга мөмкин.
«Геометриянең өстәмә бүлекләре. 8 класс» курсында укучылар өчпочмаклар, дүртпочмаклыклар һәм түгәрәкнең мәйданын исәпләүнең үзлекләрен һәм төп формулаларын өйрәнәләр, мөһим теоремаларны исбатлаячаклар һәм әйләнәнең геометрик үзлекләре белән бәйле темаларны җентекләп ачыклаячаклар. Уку төп һәм алга киткән модульләрдән тора. Курсның кайбер темалары белән инде яхшы таныш булган укучылар керү тестын узарга һәм өйрәнүне катлаулырак модульләрдән башларга мөмкин.
«Физиканың өстәмә бүлекләре: кинематика. 9 класс» укучылары матди ноктаның хәрәкәт типларын: туры сызыклы тигез, тигез тизләнешле хәрәкәт һәм әйләнә буенча хәрәкәт типларын караячак. Шулай ук катлаулы хәрәкәтләрне гади комбинациягә бүләргә өйрәнәчәкләр һәм төп физик зурлыклар белән танышачаклар. Курс өлкән сыйныф укучыларына да файдалы булачак.