«ЕГЭ – это про100!» онлайн-марафоны кысаларында химия буенча БДИга әзерлек турында фикер алыштылар
ФИПИ эксперты, Мәскәү шәһәренең 1589 нчы мәктәбенең химия укытучысы, Сеченов исемендәге Беренче Мәскәү дәүләт медицина университетының фармация һәм трансляция медицинасы институтының химия кафедрасы өлкән укытучысы Екатерина Зеня химия буенча имтиханны дүрт блок һәм әлеге блокларның биремнәрен үтәгәндә җыярга мөмкин булган баллар санын үз эченә алуы турында сөйләде.
Ул искәртеп узганча, БДИда катнашучылар Менделеевның химик элементларының периодик системасыннан, эрүчәнлек таблицасыннан, металлның электрохимик рәтен һәм программалаштырылмый торган калькуляторлардан файдалана алалар.
"Химия буенча имтихан бик кызыклы, химия фәне кебек үк. Ул дүрт эчтәлекле блогка бүленгән. Гадәттәгечә, без блокларны теоретик химия, органик һәм органик булмаган химия, химияне танып белү методларын өйрәнүгә һәм химиянең тормыш белән бәйле булуына аерабыз", - дип сөйләде Екатерина Зеня.
Мәскәүнең 1619 нчы мәктәбенең химия укытучысы Светлана Светикова чыгарылыш сыйныф укучыларының игътибарын теоретик базаның мөһимлегенә һәм бурычларны мөстәкыйль хәл итәргә, ФИПИ сайтында урнаштырылган демоверсияләрне үтәргә кирәклегенә юнәлтте.
Экспертлар укучыларның сорауларына җавап бирделәр, 2022 елда химия буенча БДИның үзенчәлекләрен аңлаттылар, аерым биремнәр карадылар.
Эфирның видеоязмасын Мәгариф һәм фән өлкәсендә күзәтчелек буенча федераль хезмәтнең «ВКонтакте» социаль челтәрендә һәм YouTube сайтында карарга була.