Казанлы Егор Уланов беренчел тыңлаулар нәтиҗәләре буенча ГИТИСка керергә тәкъдим ителде
ГИТИС Онлайн-кабул итү бүлмәсе - МТС "Поколение М" хәйрия проектының бер өлеше, ул регионнарда укучыларга ярдәм итү һәм ата-аналарның Мәскәүгә тыңлауның беренче турына бару өчен юл чыгымнарын киметү, барлык абитуриентлар өчен тигез шартлар тудыру максатыннан оештырыла. Мондый мөмкинлектән Идел буе республикаларыннан һәм төбәкләреннән 200гә якын талантлы яшүсмер файдаланды.
Тыңлау нәтиҗәләре буенча, Мәскәүдә ГИТИСта сынауларның икенче этабында катнашуга Идел буе федераль округының 16 җиңүчесе арасыннан Казаннан Егор Уланов тәкъдим ителде. Бүгенге көндә юристлыкка укыган егет, хыялы артыннан барырга әзер булуын һәм үзенең таланты белән педагогка тәэсир итә алуын белдерде.
Онлайн-тыңлауларга эләгә алмый калган талантлы татарстанлылар «Поколение М» проектының онлайн-конкурсында катнашу мөмкинлегенә ия. Моның өчен 15 яшьтән 18 яшькә кадәр катнашучыларга 2022 елның 31 маена кадәр үз башкаруындагы мәсәл, шигырь, җыр яки прозадан өзекне видеога төшерергә, һәм язма проектның сайтына йөкләргә кирәк. ГИТИС педагоглары барлык алынган видеоларны карый һәм иң яхшыларның авторларына сайлап алынган факультетка тыңлауларның беренче турын узу хакында хәбәр ителәчәк. Жюри карары буенча шулай ук бер җиңүче сайлап алыначак, ул, иҗади зачетка өстәп, МТСтан Мәскәүгә ГИТИС буенча шәхси экскурсия һәм уку театрында спектакль карау белән барачак.