«iВолга» ИФО Яшьләр форумына теркәлү ачылды
27 апрельдә «iВолга» Идел буе федераль округының Яшьләр форумына теркәлү башланды. Ул Самара өлкәсе территориясендә 21 июльдән 29 июльгә кадәр Мастрюков күлләренең Фестиваль паркында 10 нчы юбилей елында узачак. Катнашырга Россия Федерациясе гражданнары 18 яшьтән 35 яшькә кадәр чакырыла. Теркәлү 2022 елның 26 маена кадәр дәвам итәчәк.
Форумны уздыру тематикасы быел «Россия халыклары бердәмлеге» булачак. Программада тренинг дәресләре, яшьләр проектлары конкурсы, фәнни һәм гамәли конференцияләр, мастер-класслар, төрле юнәлешләр буенча регионара югары уку йортлары арасында ачык ярышлар, күргәзмәләр, инициативалар ярминкәләре, федераль, округ һәм төбәк дәрәҗәләре экспертлары белән очрашулар, дискуссияләр, шулай ук мәдәни-ял итү, спорт һәм туристлык-туган якны өйрәнү чаралары каралган.
«iВолга» Идел буе федераль округының 10 нчы юбилей Яшьләр форумы катнашучысы булу өчен, 2022 елның 26 маена кадәр «Росмолодежь.События» платформасында, шулай ук ivolgaforum.ru Форумының рәсми сайтында теркәлергә кирәк.