Абитуриентлар IT-белгечлек һәм гамәли математика сайлый
Ике айдан кимрәк вакыттан соң Россиядә 2022 елның кабул итү кампаниясе башлана, һәм инде 20 июньдә югары уку йортлары абитуриентлардан документлар кабул итә башлаячак. Соңгы елларда укырга керү юнәлешләре үзгәрешсез калып бара дип тә әйтергә була. Нанотехнологияләр һәм наноматериаллар, мәгълүмати иминлек, гамәли математика, педагогик белем, информатика һәм исәпләү техникасы, икътисад һәм идарә, фармация, шәфкать туташы эше һәм юриспруденция кебек юнәлешләргә әзерләнүнең югары таләпләре саклана. Әлеге тенденция быел да сакланыр дип көтелә.
Абитуриентлар арасында иң популяр булып, гадәттәгечә, әзерлекнең IT-юнәлешләре кала, чөнки бу өлкәдә квалификацияле белгечләр заманча хезмәт базарында бик кирәк. 2022/2023 уку елына Россия югары уку йортлары тарафыннан санлы икътисад өчен кадрлар әзерләүнең 19 юнәлеше буенча бюджет урыннары саны арттырылган. Федераль бюджет хисабына IT-өлкәдә 160,4 меңнән артык студент югары белем алачак, шуның 71% ы - төбәк университетларында.