Идел буе федераль округының кадет корпусларында тәрбияләнүчеләр Мәскәүгә Җиңү Парадының генераль репетициясенә бару белән бүләкләнде
2022 елның 6-7 маенда биш округ кадет корпусының иң яхшы тәрбияләнүчеләре (Башкортстан, Татарстан, Удмуртия, Чувашия һәм Түбән Новгород) өчен Мәскәүгә сәфәр оештырылган. Укучылар бик яхшы укулары, олимпиадаларда һәм спорт ярышларында призлы урыннар, махсус һәм хәрби әзерлектә ирешкән уңышлары өчен бүләкләнделәр.
Экскурсия программасы кысаларында кадетлар Мәскәүнең мәдәни һәм тарихи истәлекле урыннарын күрделәр: Кремль, Кызыл һәм Манеж мәйданы, Александров бакчасы, Билгесез Солдат кабере, Поклонная тавында Җиңү паркы, Христос Коткаручысы һәм Василий Блаженный храмы, «Москва-Сити» халыкара эшлекле үзәге, Воробьевы горы.
Мәскәүгә бүләкләү сәфәренең кульминациясе илнең Җиңү парадының генераль репетициясе булды, ул 7 майда Мәскәү вакыты буенча иртәнге 10 да булды.
Быел Бөек Ватан сугышында Җиңүнең 77 еллыгы уңаеннан бәйрәм йөрешендә хәрби хезмәткәрләр, курсантлар һәм көч ведомстволары вәкилләре колонналары, легендар хәрби техника, шулай ук авиация катнашты.
Җәяүле колоннада генераль репетициядә офицерлар, сержантлар һәм солдатлар, суворов һәм нахимов училищеларында тәрбияләнүчеләр, ФСБ чик буе гаскәрләре вәкилләре, Росгвардия һәм Гадәттән тыш хәлләр министрлыгы бүлекчәләре узды.