Роспотребнадзор мәктәпләрдә БДИ үткәрү кагыйдәләре турында хәбәр итте
Һәр сыйныфка аерым уку кабинетын беркетү таләбе гамәлдән чыгарылган, шулай ук укучылар арасында 1,5 метрдан да ким булмаган социаль дистанцияне аттестацияләү барган сыйныфларда (аларны 1әр кешегә парта артында утыртып) үтәргә кирәк.
Шул ук вакытта эпидемиягә каршы башка таләпләр саклана:
- укучыларның йомгаклау аттестациясенә килү графигын төзү (балалар арасында элемтәләрне киметү өчен),
- имтихан комиссияләре әгъзаларының битлекләрдә булуы,
- имтиханнар үткәрелә торган классларның даими рәвештә җилләтерелүе һәм дезинфекция чаралары куллану.
Моннан тыш, йомгаклау аттестациясен үткәргәндә көненә бердән артык имтихан үткәрү рөхсәт ителми. Ә сайлау предметлары буенча БДИ үткәргәндә, бер көн аерма белән имтихан үткәрү рөхсәт ителә, дип хәбәр иттеләр кулланучылар хокукларын яклау һәм кеше иминлеге өлкәсендә күзәтчелек федераль хезмәтендә.
"Имтихан 4 сәгатьтән артыграк барган очракта укучылар туклану белән тәэмин ителәләр. Имтиханның дәвамлылыгына карамастан, эчәргә яраклы режим тәэмин ителә. Классларда имтихан башлануны көтү вакыты 30 минуттан артмаска тиеш", - диелә ведомство хәбәрендә.