«Киләчәк фәне — яшьләр фәне» VII Бөтенроссия конкурсына студентлар һәм аспирантлардан 3,4 меңнән артык гариза килде
Фәнни-тикшеренү эшләре конкурсында катнашу өчен гаризалар кабул итү төгәлләнде. Гаризаларны илнең төрле төбәкләреннән 380дән артык югары уку йорты һәм фәнни оешмаларның студентлары һәм аспирантлары тапшырган. Конкурс ел саен Россия Мәгариф һәм фән министрлыгы ярдәме белән «Киләчәк фәне — яшьләр фәне» Бөтенроссия форумы кысаларында үткәрелә.
Конкурс яшь галимнәр арасында зур кызыксыну уятты. Җибәрелгән эшләр саны буенча лидерлар арасына, Мәскәү һәм Санкт-Петербургтан кала, Башкортостан һәм Татарстан республикалары, Краснодар крае, Новосибирск, Свердловск, Томск һәм Чиләбе өлкәләре, шулай ук Ерак Көнчыгыш төбәге керде.
Гаризалар 10 секциягә керде: агро-, био - һәм азык-төлек технологияләре; гуманитар фәннәр; мәгълүмати технологияләр һәм математика; тормыш һәм медицина; җир турындагы фән, экология һәм рациональ файдалану; яңа материаллар һәм ысуллар; конструкцияләү; социаль фәннәр; транспорт системалары, машина төзелеше һәм энергетика; физика һәм астрономия; химия һәм химия технологияләре.
Гаризаларга экспертиза үткәргәннән соң, финалистлар исемлеге билгеләнәчәк, ул форумның рәсми сайтында урнаштырылачак https://sfy-conf.ru/ Фәрит Мөхәммәтшин Төрекмәстан Мәҗлесе делегациясен кабул итте Студентлар һәм аспирантлар үз тикшеренүләренең нәтиҗәләрен көзен «Киләчәк фәне — яшьләр фәне» VII Бөтенроссия яшьләр фәнни форумы кысаларында фәнни берләшмәләргә тәкъдим итәчәкләр.